Birna Berg hetjan

Birna Berg Haraldsdóttir byrjar vel með Neckarsulmer í þýsku úrvalsdeildinni í handbolta en hún var hetjan í sigri liðsins á Bad Wildungen í dag.

Birna skoraði fimm mörk fyrir Neckarsulmer en hún gekk í raðir liðsins fyrr í mánuðinum frá Danmörku.

Neckarsulmer var fimm mörkum undir í hálfleik, 17-12, en kom til baka í síðari hálfleik og sigurmark Birnu kom úr vítakasti eftir að tíminn rann út.

Eftir sigurinn er Neckarsulmer komið í ellefta sæti deildarinnar en sigurinn afar mikilvægur í botnbaráttunni sem liðið er í.