Tíu mörk Viggós dugðu ekki til

Tíu mörk Viggós Kristjánssonar dugðu ekki til fyrir Westwien sem tapaði fyrir UHK Krems í austurrísku úrvalsdeildinni í handbolta.

Gestirnir í Krems byrjuðu mun betur og komust í 1-6 en þá vöknuðu heimamenn til lífsins og náðu að laga stöðuna. Í hálfleik var staðan 11-6 fyrir gestina.

Gestirnir komust mest í níu marka forystu í seinni hálfleik en leikurinn endaði með 25-29 sigri Krems.

Viggó var markahæstur á vellinum með sín tíu mörk, Guðmundur Hólmar Helgason bætti við þremur og Ólafur Bjarki Ragnarsson skoraði eitt.