Barcelona rúllaði yfir Kristianstad

Barcelona fór langt með að tryggja sér toppsætið í A-riðli Meistaradeildar Evrópu í handbolta með stórsigri á Kristianstad.

Sænsku meistarrnir eiga enn möguleika á að komast áfram í 16-liða úrslitin.

Aron Pálmarsson komst ekki á blað en átti sex stoðsendingar í liði Barcelona. Arnar Freyr Arnarsson, Ólafur Guðmundsson og Teitur Örn Einarsson komust allir á blað í liði Kristianstad.

Barcelona vann leikinn örugglega 43-26 eftir að hafa verið 21-12 í hálfleik.

Arnar Freyr skoraði fjögur mörk fyrir sænska liðið og Ólafur og Teitur settu tvö hvor.