FH og Fjölnir síðustu liðin í undanúrslitin

FH er þriðja úrvalsdeildarliðið sem er komið í undanúrslit Coca-Cola bikars karla eftir að hafa slegið út Aftureldingu í kvöld. Lokatölurnar urðu 29-26 í leik liðanna í Mosfellsbæ í kvöld.

FH-ingarnir byrjuðu af rosalegum krafti og komust í 7-1 og 8-2 en heimamenn virtust vankaðir í upphafi leiks. Þeir náðu þó aðeins að laga stöðuna en Hafnfirðingar leiddu þó með fimm mörkum í hálfleik, 15-10.

Hægt og rólega náðu heimamenn að saxa á forskot FH og þeir náðu að jafna metin í 22-22 er tíu mínútur voru eftir. Það var í fyrsta skipti síðan í stöðunni 0-0 sem staðan var jöfn.

Á lokakaflanum voru gestirnir úr Hafnarfirði sterkari og eru þar af leiðandi komnir í undanúrslitin í Laugardalshöll í næsta mánuði en lokatölurnar urðu 29-26.

Birgir Már Birgisson var markahæstur hjá Fimleikafélaginu með sex hvor og Kristófer Fannar Guðmundsson varði ágætlega í markinu. Tumi Steinn Rúnarsson og Finnur Ingi Stefánsson voru með fimm mörk fyrir Aftureldingu.

Fjölnir varð svo fjórða og síðasta liðið til þess að tryggja sér sæti í undanúrslitunum er liðið vann Þrótt í B-deildarslag í Grafarvogi í kvöld.

Sigurinn varð stór, 33-19, eftir að staðan hafi verið 16-11 fyrir Fjölnisliðinu í hálfleik. Þeir verða því ásamt FH, Val og ÍR í úrslitahelginni.

Breki Dagsson skoraði sjö mörk fyrir Fjölni og Bergur Elí Rúnarsson bætti við sex. Óttar Filipp Pétursson og Aron Valur Jóhannsson skoruðu fjögur mörk hvor fyrir Þrótt.