Viðskipti erlent

Setja kaup á frekari búnaði frá Huawei í biðstöðu

Þorbjörn Þórðarson skrifar
Verslun Huawei í Peking. Huawei er næstsöluhæsti framleiðandi snjallsíma á heimsvísu á eftir Samsung en fyrirtækið náði öðru sætinu af Apple í júní fyrra.
Verslun Huawei í Peking. Huawei er næstsöluhæsti framleiðandi snjallsíma á heimsvísu á eftir Samsung en fyrirtækið náði öðru sætinu af Apple í júní fyrra. Vísir/EPA

Vodafone Group hefur sett kaup á frekari búnaði frá Huawei í biðstöðu eftir að bandaríska dómsmálaráðuneytið höfðaði sakamál á hendur fyrirtækinu fyrir stórfelldan hugverkaþjófnað og brot á viðskiptaþvingunum gagnvart Íran. Þá hefur BT Group fjarlægt búnað Huawei úr farsímakerfum sínum í Bretlandi.

Mörg af stærstu fjarskiptafyrirtækjum Evrópu ætluðu að nota búnað frá Huawei við uppbyggingu á miðlægum farsímakerfum vegna 5G. Ákæran á hendur fyrirtækinu hefur sett þessi áform í uppnám.

Huawei er stærsti birgir í heiminum á sviði farsímakerfa. Þá er fyrirtækið næstsöluhæsti framleiðandi snjallsíma á heimsvísu á eftir Samsung en fyrirtækið náði öðru sætinu af Apple í júní fyrra. Huawei var stofnað árið 1987 af Ren Zhengfei sem var áður verkfræðingar hjá kínverska hernum.

Rannsókn yfirvalda í Bandaríkjunum á meintum brotum Huawei á viðskiptaþvingunum gagnvart Íran hefur staðið, með hléum, yfir í um áratug. Ákæran sem gefin var út á mánudag snýr að stórfelldum hugverkaþjófnaði, brotum á viðskiptaþvingunum gagnvart Íran og fyrir að hafa vísvitandi veitt fjármálafyrirtækjum rangar upplýsingar. Ætluð brot snúa meðal annars að fyrirtækinu Skycom sem hefur verið umboðsaðili Huawei í Íran.

Meng Wanzhou, fjármálastjóri Huawei og dóttir stofnanda fyrirtækisins, var handtekin á flugvellinum í Vancouver hinn 1. desember þegar hún var á leið til Mexíkó. Er hún nú í stofufangelsi í Kanada og bíður framsals til Bandaríkjanna vegna ætlaðra brota. Verði hún framseld og dæmd vestanhafs gæti hún átt yfir höfði sér allt að 30 ára fangelsi í Bandaríkjunum. 

Verður Huawei útilokað frá uppbyggingu á 5G?

Bloomberg greindi frá því á dögunum að Vodafone Group, sem Sýn hf. hefur samning við vegna notkunar á vörumerkinu Vodafone á Íslandi, hafi ákveðið að setja í biðstöðu kaup á frekari búnaði af Huawei vegna rekstrar miðlægra kerfa.

Þessi ákvörðun Vodafone kemur í kjölfar ákvörðunar BT Group um að fjarlægja búnað frá Huawei úr farsímakerfum fyrirtækisins í Bretlandi. Þá er Deutsche Telekom, stærsta fjarskiptafyrirtæki Evrópu og eigandi vörumerkisins T-Mobile, einnig að endurmeta viðskiptasamband sitt við Huawei.

Stjórnvöld aðildarríkja Evrópusambandsins hafa rætt sín á milli hvort það komi til greina að útiloka Huawei frá uppbyggingu á 5G, næstu kynslóð farsímakerfa, í aðildarríkjum sambandsins. Deutsche Telekom hefur hins vegar varað við því og sagt að slík ákvörðun gæti hægt á uppbyggingu kerfanna. 

Þá eru kanadísk stjórnvöld að íhuga að koma í veg fyrir að búnaður frá Huawei verði notaður við uppbyggingu á 5G fjarskiptakerfum þar í landi. Engin ákvörðun hefur hins vegar verið tekin um slíkt ennþá. 


Tengdar fréttir

Trudeau bað sendiherra Kanada í Kína um að segja af sér

Trudeau hefur ekki sagt hvers vegna hann greip til þessara aðgerða en afsögnin hefur verið rekin til ummæla hans um framsalsbeiðni Bandaríkjanna gagnvart Meng Wanzhou, fjármálastjóra kínverska fyrirtækisins Huawei.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
3,27
21
451.148
EIM
3,11
16
126.639
SIMINN
1,32
11
407.136
VIS
1,23
2
17.490
SKEL
1,12
10
157.458

Mesta lækkun dagsins


Félag
Br.%
Fjöldi
Velta*
KVIKA
-1,47
11
135.730
ICESEA
-0,7
1
5.247
MAREL
-0,51
7
42.442
ICEAIR
-0,41
7
4.404
ORIGO
0
7
56.197
Velkomin á Vísi. Þessi vefur notar vafrakökur. Sjá nánar.