Bein útsending frá Nýsköpunarþingi

Sjálfbærni til framtíðar er yfirskrift árlegs Nýsköpunarþings sem haldið er á Grand hótel í dag. Þingið verður sett klukkan 15 og stendur í tvær klukkustundir. Nýsköpunarþing er haldið árlega í samstarfi Rannís, Íslandsstofu, Nýsköpunarmiðstöðvar Íslands og Nýsköpunarsjóðs atvinnulífsins.

Umfjöllunarefni Nýsköpunarþings hverju sinni tengist rannsóknum, þróun og markaðsmálum. Umræðuefni Nýsköpunarþinganna hefur því ávallt verið valið með það í huga að ýta undir skilning manna á samspili vísinda, tækni og þekkingar annars vegar og vöruframleiðslu og markaðsstarfs hins vegar. Nýsköpunarverðlaun Íslands eru veitt á Nýsköpunarþingi.

Aðal fyrirlesari er Leyla Acaroglu sem er þekkt fyrir hugmyndir sínar um hönnun og sjálfbærni.

Beina útsendingu má sjá hér að neðan.

Aðrir fyrirlesarar:

Þórdís Kolbrún R. Gylfadóttir, ráðherra ferðamála-, iðnaðar- og nýsköpunar flytur ávarp

Guðrún Anna Finnbogadóttir, Vestfjarðarstofa - Sjávarútvegur og nýsköpun

Rakel Garðarsdóttir, Verandi/Vakandi - Spennum beltin - ókyrrð framundan

Jón Ágúst Þorsteinsson, Klappir - Upplýsingatækni í þágu umhverfisins