Haukar féllu úr leik í Tékklandi

Evrópuævintýri Hauka varð ekki langt þennan veturinn því liðið er úr leik í EHF bikarnum eftir eins marks tapi fyrir Talent Plazen í dag.

Haukar töpuðu fyrri leiknum á heimavelli með fimm mörkum og því ljóst að verkefnið yrði erfitt í Tékklandi í dag.

Hafnfirðingarnir voru þó yfir 15-14 í hálfleik en svo fór að leikurinn tapaðist 26-25 og einvígið fór því 51-45 fyrir Plzen.

Halldór Ingi Jónasson var markahæstur Hauka með sjö mörk. Ólafur Ægir Ólafsson og Adam Haukur Baumruk gerðu fimm mörk hvor.

Haukar hefja leik í Olísdeild karla á miðvikudag þegar þeir mæta nýliðum HK á Ásvöllum.