Handbolti

Arnór skoraði fjögur í jafntefli

Dagur Lárusson skrifar
Arnór í leik með Íslandi
Arnór í leik með Íslandi Getty/ TF images
Arnór Þór Gunnarsson skoraði fjögur mörk fyrir Bergischer í þýska handboltanum í dag þegar liðið gerði jafntefli við Leipzig.

 

Leikurinn var jafn frá upphafi til enda og var lokakaflinn æsispennandi. Það var Leipzig sem að fór með forystuna í hálfleikinn 12-11. 

 

Leipzig fór svo rosalega vel af stað í seinni hálfleiknum og komst í 17-13 strax í byrjun. Þá tóku gestirnir við sér með Arnór í fararbroddi og minnkuðu þeir forskotið í 17-16.

 

Þegar um ein á hálf mínúta var eftir af leiknum var Bergischer með eins mark forysta og náði Leipzig að jafna þegar um sjö sekúndur voru eftir og þar við sat, lokatölur 25-25.

 

Arnór var markahæstur í liði Bergischer með fjögur mörk en eftir leikinn er Bergischer í sjötta sæti deildarinnar með sautján stig.

 

Handbolti

Mest lesið


Fleiri fréttir

Sjá meira


×

Mest lesið