De Gea missir af leiknum við Liverpool

David de Gea mun ekki spila stórleik Manchester United og Liverpool um helgina vegna meiðsla. Paul Pogba hefur heldur ekki náð heilsu.

Sky Sports greinir frá þessu í dag, en de Gea fór meiddur af velli í leik Spánverja og Svía í undankeppni EM 2020.

Hann meiddist á nára við að hreinsa boltann og var sárkvalinn.

Pogba hefur verið að glíma við meiðsli síðustu vikur og var ekki í landsliðshópi Frakka fyrir leikina við Ísland og Tyrkland.

Leikur Manchester United og Liverpool fer fram á sunnudag en Liverpool er á toppi ensku úrvalsdeildarinnar með fullt hús stiga.