Barcelona vann stórsigur á Granollers í spænsku úrvalsdeildinni í handbolta í kvöld.
Aron Pálmarsson skoraði fjögur mörk fyrir Barcelona sem vann 37-23 sigur.
Barcelona var með örugg höld á leiknum og var með 18-12 forystu eftir fyrri hálfleikinn. Heimamenn héldu bara áfram að gefa í og unnu að lokum 14 marka sigur.
Barcelona situr á toppi deildarinnar með fullt hús stiga eftir fimm umferðir.
