Ljónin úr leik í Meistaradeildinni

Rhein-Neckar Löwen er úr leik í Meistaradeild Evrópu eftir tap fyrir Nantes, 30-27, í seinni leik liðanna í 16-liða úrslitum í kvöld.

Löwen vann fyrri leikinn á heimavelli, 34-32, en Nantes vann einvígið, 62-61, og mætir Barcelona í 8-liða úrslitum. Romain Lagarde skoraði markið sem tryggði Nantes sigurinn í einvíginu. Það má sjá hér fyrir neðan.

What a finish from @HBCNantes! Here's how the 2017/18 #veluxehfcl finalists secured their quarter-final place with a one-goal aggregate win, 62:61, over @RNLoewenpic.twitter.com/4auvEjD0Ot

— EHF Champions League (@ehfcl) March 30, 2019

Guðjón Valur Sigurðsson skoraði þrjú mörk í sínum síðasta Meistaradeildarleik fyrir Löwen. Alexander Petersson skoraði eitt mark.

Lagarde skoraði átta mörk fyrir Nantes sem og Valero Rivera. Nantes komst í úrslit Meistaradeildarinnar á síðasta tímabili þar sem liðið tapaði fyrir Montpellier.

Kielce, Veszprém og Vardar tryggðu sér einnig sæti í 8-liða úrslitum Meistaradeildarinnar í dag.