Góður leikur Janusar ekki nóg gegn Guðjóni og félögum

Það fór illa fyrir flestum Íslendingaliðunum í Meistaradeild Evrópu í handbolta í dag.

Það var Íslendingaslagur í París þar sem Paris Saint-Germain og Álaborg mættust.

Heimamenn unnu þægilegan sigur eftir að hafa náð að byggja sér upp gott forskot í fyrri hálfleik. Staðan var 18-11 í hálfleik.

Guðjón Valur Sigurðsson komst ekki á blað fyrir PSG en Janus Daði Smárason skoraði fjögur mörk fyrir Álaborg.

Svíþjóðarmeistarar Sävehof áttu erfitt uppdráttar gegn Bidasoa Irun.

Úrslit leiksins voru í raun ráðin í hálfleik, þá var staðan 20-9 fyrir gestina í Bidasoa og ljóst í hvað stefndi. Þegar upp var staðið fór leikurinn 33-24 fyrir Bidasoa.

Fyrr í dag tapaði Kristianstad fyrir rússneska liðinu Chekhovskie medvedi á útivelli.