Snorri í 39. sæti á HM

Snorri Einarsson lenti í 39. sæti í 30 km skiptigöngu á HM í skíðagöngu í Austurríki. Albert Jónsson náði ekki að ljúka keppni.

Fyrstu 15 kílómetrarnir af göngu dagsins voru með hefðbundinni aðferð og þeir seinni með frjálsri aðferð.

Snorri kom í mark á tímanum 1:15:33,6 sem skilað honum 39. sæti. Albert kláraði fyrstu 15 kílómetrana en var svo hringaður við skiptinguna og þurfti því að hætta keppni.

Heimsmeistaratitilinn hreppti Norðmaðurinn Sjur Roethe. Hann kom í mark á tímanum 1:10:21,8.