Ellefti sigur Pick í deildinni

Pick Szeged vann sinn ellefta leik í röð er liðið vann sjö marka sigur á Dabas KC VSE, 36-29, í ungversku úrvalsdeildinni í handbolta.

Pick hefur verið á miklu skriði bæði í Meistaradeildinni og ungversku úrvalsdeildinni en það fær þá fátt stöðvað um þessar mundir.

Pick leiddi í hálfleik með þremur mörkum, 17-14, en í síðari hálfeik skoruðu heimamenn nítján mörk og unnu öruggan sigur að endingu.

Stefán Rafn Sigurmannsson og félagar í Szeged eru á toppi deildarinnar með 22 stig og eru sjö stigum á undan Tatabánya en Veszprém er í fjórða æsti deildarinnar með tólf stig. Þeir eiga þó tvo leiki til góða.

Hafnfirðingurinn skoraði fjögur mörk í kvöld.