Segir Lilju hafa veitt Miðflokksmönnum rothögg Stefán Ó. Jónsson skrifar 6. desember 2018 09:15 Lilja Alfreðsdóttir veitt einlægt og persónulegt viðtal í gærkvöld sem vakið hefur mikla athygli. VÍSIR/VILHELM Viðtal Kastljóss við Lilju Alfreðsdóttur, mennta- og menningarmálaráðherra, var „ákveðið rothögg“ á Miðflokksþingmennina þrjá, sem hún lýsti í gærkvöldi sem ofbeldismönnum. Ímynd hennar sem orðvar stjórnmálamaður hafi gert einlæga lýsingu hennar á upplifun sinni af Klaustursupptökunum þeim mun veigameiri og vígstöðu þingmannanna þriggja að engu. Þetta er mat almannatengilsins Andrésar Jónssonar sem var gestur Bítisins í morgun ásamt Katrínu Júlíusdóttur, fyrrverandi ráðherra. Óhætt er að fullyrða að fyrrnefnt viðtal við Lilju hafi vakið mikla athygli. Þar talaði hún opinskátt um Klaustursupptökurnar og þá sérstaklega framgöngu þriggja þingmanna Miðflokksins; Sigmunds Davíðs Gunnlaugssonar, Gunnars Braga Sveinssonar og Bergþórs Ólasonar. Segja má að grófustu ummælin sem látin voru falla á Klaustri umrætt nóvemberkvöld hafi verið um Lilju. Í viðtali gærdagsins lýsti hún þingmönnum þremur sem ofbeldismönnum og bætti við að slíkir menn hefðu ekkert dagskrárvald í íslensku samfélagi. Viðbrögðin á samfélagsmiðlum létu ekki á sér standa og hefur Lilju verið hrósað í hástert fyrir einlægni sína og ákveðni.Sjá einnig: Miðflokksmennirnir ofbeldismenn sem eigi ekki að stýra ferðinni Viðtalið við Lilju og viðbrögðin við Klausturmálinu voru til umfjöllunar í Bítinu í morgun. Allt frá því að upptökurnar litu dagsins ljós hafa þingmennirnir sex sem sátu að sumbli á Klaustri þann 20. nóvember átt undir högg að sækja. Tveimur hefur verið vísað úr Flokki fólksins og fyrrnefndir Bergþór og Gunnar Bragi hafa tekið sér launalaust ótímabundið leyfi frá þingstörfum.Katrín Júlíusdóttir, fyrrverandi ráðherra, og Andrés Jónsson, almannatengill, voru gestir í Bítinu í morgun.Umræddir þingmenn hafa allir beðist afsökunar á því sem fram fór þetta kvöld – mismikið þó. Sigmundur Davíð og Anna Kolbrún Árnadóttir, sem einnig er í Miðflokknum, lögðu til að mynda áherslu á það í útvarpsviðtali í Bítinu í gærmorgun að þau gætu ekki borið ábyrgð á þeim orðum sem aðrir létu falla á Klaustri þetta kvöld. Þar að auki sagði Sigmundur að hann hefði margoft upplifað sambærilegt orðbragð frá öðrum þingmönnum sem aldrei hefði verið afhjúpað. Honum þætti því ekki rétt að hann einn myndi bera ábyrgð því að hafa viðhaft slíkan talsmáta – auk þess sem Sigmundur sagðist vera reiðubúinn að bera vitni um orðbragð annarra þingmanna fyrir siðanefnd þingsins, sem kölluð hefur verið saman vegna Klausturmálsins.Samúðarbylgja að rísa Þessi viðbrögð Sigmundar voru af ýmsum talin hafa skapað honum ákveðna vígstöðu í málinu, eins og til að mynda sjónvarpsmaðurinn Egill Helgason kom inn á. „Það var komin í gang ákveðin samúðarbylgja vegna hinnar látlausu umræðu,“ skrifaði Egill í gærkvöld. Þessa samúð mátti til dæmis lesa úr viðtali Vísis við formann Miðflokksfélags Reykjavíkur í gær. „Í mínum huga finnst mér hann hafa vaxið sem manneskja, en kannski ekki endilega sem stjórnmálaleiðtogi. Mér finnst hann hafa komið fram af ákveðnu æðruleysi,“ sagði Viðar Freyr Guðmundsson. „Ég er líka viss um að það sé alveg rétt hjá honum að þetta hafi ekki verið einstök uppákoma. Að svona samræður fari af stað og úr böndunum.“Sigmundur Davíð Gunnlaugsson mætti í Bítið í gærmorgun og náði að mynda sér ákveðna vígstöðu í Klaustursmálinu að mati þeirra Egils og Andrésar.Vísir/vilhelmEn þá kom Lilja Taflið virðist hins vegar hafa snúist eftir fyrrnefnt viðtal við Lilju í Kastljósi í gær, að mati Katrínar Júlíusdóttur og Andrésar Jónssonar. „Viðtalið við Lilju í gær var alveg ótrúlega sterkt,“ sagði Katrín. Það væri ekki síst vegna þess að Lilja sé ekki stjórnmálamaður sem alla jafna ber tilfinningar sínar á torg eða hefur uppi gífuryrði um menn og málefni. Fyrir vikið hafi hin persónulegu viðbrögð hennar í gær verið þeim mun áhrifaríkari. „Mér fannst það hvernig hún lýsti upplifun sinni vera svo einlægt og það var svo sterkt,“ sagði Katrín um leið og hún sendi Miðflokkskörlunum þremur pillu:„Þeir sem sögðu þetta um hana eiga að hlusta á það sem hún sagði.“ Almannatengilinn Andrés tók í sama streng. „Þetta var ákveðið rothögg sem Lilja veitti þarna í gær – einmitt út af því að fólk veit það að hún hefur ekki verið að hafa uppi mikil stóryrði,“ segir Andrés. Hún hafi nálgast starf sitt faglega að hans mati – „þannig að þegar hún talar með þeim hætti sem hún gerði þá held ég að það rammi inn málið.“ Aðspurður um hvort að hann myndi ráðleggja Miðflokksmönnum að segja af sér, væri hann með mál þeirra á sínu almannatenglaborði, tók Andrés sér góðan umhugsunarfrest áður en hann svaraði á almennum nótum. „Hvort sem það eru stjórnmálamenn, leiðtogar í fyrirtækjum eða félagasamtökum – í öllum störfum þar sem þú ert áberandi og ert að fara fyrir hönd annars fólks - þá þarftu að njóta trausts og trúverðugleika,“ segir Andrés. „Getur maður sinnt starfi sínu ef maður hefur það ekki?“Viðtalið við þau Katrínu og Andrés í Bítinu má heyra hér að neðan. Upptökur á Klaustur bar Tengdar fréttir Miðflokksmennirnir ofbeldismenn sem eigi ekki að stýra ferðinni 5. desember 2018 20:17 Vill afsögn Gunnars Braga og Bergþórs en segir Sigmund hafa vaxið sem manneskja Formaður Miðflokksfélags Reykjavíkur segir að Sigmundur Davíð Gunnlaugsson, formaður Miðflokksins, hafi vaxið sem manneskja eftir að Klaustursmálið kom upp. 5. desember 2018 12:45 Þakkar stuðning þvert á flokkana „Mér fannst mjög mikilvægt að fara í þetta viðtal og senda skýr skilaboð. Þetta mál hefur verið mér afskaplega þungbært.“ 6. desember 2018 06:00 Mest lesið Hegðun Helga kunni að skýra skort á símtölum Innlent Nýtt Lækjartorg á ís þar til flóðamat liggur fyrir Innlent Sést til dróna við fjóra flugvelli í Danmörku Erlent Ætlar sér að koma böndum á sjónvarpsstöðvar Erlent Leikskóli heimtar tugi þúsunda fyrir „listaverk“ barnanna Erlent Drónaflug í Danmörku: „Fjölþáttaógnin er að raungerast“ Erlent Hafnar fullyrðingum þingmanns um innrætingu Innlent Ástæða til að kanna betur tengsl ofurhlaupa og ristilkrabba Innlent Trump krefst rannsóknar á „þríþættu skemmdarverki“ hjá SÞ Erlent Óskaði aðstoðar með gríðarstóran hníf Innlent Fleiri fréttir Nýtt Lækjartorg á ís þar til flóðamat liggur fyrir 3,2 stiga skjálfti í Mýrdalsjökli Óskaði aðstoðar með gríðarstóran hníf Hegðun Helga kunni að skýra skort á símtölum Enska verði orðin ráðandi í atvinnulífi um miðja öld Heiðra Íslendinga með því að gera 17. júní að fánadegi Hafnar fullyrðingum þingmanns um innrætingu Skrítið að vita af ósprunginni handsprengju í næstu götu Skorar á Ingu Sæland að taka slaginn Ástæða til að kanna betur tengsl ofurhlaupa og ristilkrabba Löng bið Haraldar, umdeild kynjafræði og íslenska í útrýmingarhættu Borgin leggur bílstjórum línurnar Rafmagn aftur komið á í öllum hverfum Hélt ræðu gráti nær Gripnir glóðvolgir með íslensk lundaegg í Hollandi Stúdentar leggjast gegn sameiningunni Ekki slys á gangandi vegfaranda í „hættulegum beygjuvösum“ í tuttugu ár Fullorðinn karlmaður lést í bílslysi Nýtt stjórnsýslustig framhaldsskóla: „Þetta er eins og vont trúðaleikrit“ Bein útsending: Gervigreind og vísindamiðlun Gular viðvaranir vegna úrkomu og aukin skriðuhætta Aðferðum svipi til þeirra hjá Quang Le Leiðbeinandinn á Múlaborg í gæsluvarðhaldi í mánuð í viðbót Jarðvarmi enn mikilvægari en áður var talið Hyggst leggja af jafnlaunavottun í núverandi mynd Framkvæmdum að ljúka á gatnamótum sem gera Árbæinga gráhærða Bein útsending: Jarðhiti jafnar leikinn Látinn laus en rannsókn enn í fullum gangi „Ég var svolítið bara sett til hliðar“ Sýknudómur í máli Aðalsteins gegn Páli stendur Sjá meira
Viðtal Kastljóss við Lilju Alfreðsdóttur, mennta- og menningarmálaráðherra, var „ákveðið rothögg“ á Miðflokksþingmennina þrjá, sem hún lýsti í gærkvöldi sem ofbeldismönnum. Ímynd hennar sem orðvar stjórnmálamaður hafi gert einlæga lýsingu hennar á upplifun sinni af Klaustursupptökunum þeim mun veigameiri og vígstöðu þingmannanna þriggja að engu. Þetta er mat almannatengilsins Andrésar Jónssonar sem var gestur Bítisins í morgun ásamt Katrínu Júlíusdóttur, fyrrverandi ráðherra. Óhætt er að fullyrða að fyrrnefnt viðtal við Lilju hafi vakið mikla athygli. Þar talaði hún opinskátt um Klaustursupptökurnar og þá sérstaklega framgöngu þriggja þingmanna Miðflokksins; Sigmunds Davíðs Gunnlaugssonar, Gunnars Braga Sveinssonar og Bergþórs Ólasonar. Segja má að grófustu ummælin sem látin voru falla á Klaustri umrætt nóvemberkvöld hafi verið um Lilju. Í viðtali gærdagsins lýsti hún þingmönnum þremur sem ofbeldismönnum og bætti við að slíkir menn hefðu ekkert dagskrárvald í íslensku samfélagi. Viðbrögðin á samfélagsmiðlum létu ekki á sér standa og hefur Lilju verið hrósað í hástert fyrir einlægni sína og ákveðni.Sjá einnig: Miðflokksmennirnir ofbeldismenn sem eigi ekki að stýra ferðinni Viðtalið við Lilju og viðbrögðin við Klausturmálinu voru til umfjöllunar í Bítinu í morgun. Allt frá því að upptökurnar litu dagsins ljós hafa þingmennirnir sex sem sátu að sumbli á Klaustri þann 20. nóvember átt undir högg að sækja. Tveimur hefur verið vísað úr Flokki fólksins og fyrrnefndir Bergþór og Gunnar Bragi hafa tekið sér launalaust ótímabundið leyfi frá þingstörfum.Katrín Júlíusdóttir, fyrrverandi ráðherra, og Andrés Jónsson, almannatengill, voru gestir í Bítinu í morgun.Umræddir þingmenn hafa allir beðist afsökunar á því sem fram fór þetta kvöld – mismikið þó. Sigmundur Davíð og Anna Kolbrún Árnadóttir, sem einnig er í Miðflokknum, lögðu til að mynda áherslu á það í útvarpsviðtali í Bítinu í gærmorgun að þau gætu ekki borið ábyrgð á þeim orðum sem aðrir létu falla á Klaustri þetta kvöld. Þar að auki sagði Sigmundur að hann hefði margoft upplifað sambærilegt orðbragð frá öðrum þingmönnum sem aldrei hefði verið afhjúpað. Honum þætti því ekki rétt að hann einn myndi bera ábyrgð því að hafa viðhaft slíkan talsmáta – auk þess sem Sigmundur sagðist vera reiðubúinn að bera vitni um orðbragð annarra þingmanna fyrir siðanefnd þingsins, sem kölluð hefur verið saman vegna Klausturmálsins.Samúðarbylgja að rísa Þessi viðbrögð Sigmundar voru af ýmsum talin hafa skapað honum ákveðna vígstöðu í málinu, eins og til að mynda sjónvarpsmaðurinn Egill Helgason kom inn á. „Það var komin í gang ákveðin samúðarbylgja vegna hinnar látlausu umræðu,“ skrifaði Egill í gærkvöld. Þessa samúð mátti til dæmis lesa úr viðtali Vísis við formann Miðflokksfélags Reykjavíkur í gær. „Í mínum huga finnst mér hann hafa vaxið sem manneskja, en kannski ekki endilega sem stjórnmálaleiðtogi. Mér finnst hann hafa komið fram af ákveðnu æðruleysi,“ sagði Viðar Freyr Guðmundsson. „Ég er líka viss um að það sé alveg rétt hjá honum að þetta hafi ekki verið einstök uppákoma. Að svona samræður fari af stað og úr böndunum.“Sigmundur Davíð Gunnlaugsson mætti í Bítið í gærmorgun og náði að mynda sér ákveðna vígstöðu í Klaustursmálinu að mati þeirra Egils og Andrésar.Vísir/vilhelmEn þá kom Lilja Taflið virðist hins vegar hafa snúist eftir fyrrnefnt viðtal við Lilju í Kastljósi í gær, að mati Katrínar Júlíusdóttur og Andrésar Jónssonar. „Viðtalið við Lilju í gær var alveg ótrúlega sterkt,“ sagði Katrín. Það væri ekki síst vegna þess að Lilja sé ekki stjórnmálamaður sem alla jafna ber tilfinningar sínar á torg eða hefur uppi gífuryrði um menn og málefni. Fyrir vikið hafi hin persónulegu viðbrögð hennar í gær verið þeim mun áhrifaríkari. „Mér fannst það hvernig hún lýsti upplifun sinni vera svo einlægt og það var svo sterkt,“ sagði Katrín um leið og hún sendi Miðflokkskörlunum þremur pillu:„Þeir sem sögðu þetta um hana eiga að hlusta á það sem hún sagði.“ Almannatengilinn Andrés tók í sama streng. „Þetta var ákveðið rothögg sem Lilja veitti þarna í gær – einmitt út af því að fólk veit það að hún hefur ekki verið að hafa uppi mikil stóryrði,“ segir Andrés. Hún hafi nálgast starf sitt faglega að hans mati – „þannig að þegar hún talar með þeim hætti sem hún gerði þá held ég að það rammi inn málið.“ Aðspurður um hvort að hann myndi ráðleggja Miðflokksmönnum að segja af sér, væri hann með mál þeirra á sínu almannatenglaborði, tók Andrés sér góðan umhugsunarfrest áður en hann svaraði á almennum nótum. „Hvort sem það eru stjórnmálamenn, leiðtogar í fyrirtækjum eða félagasamtökum – í öllum störfum þar sem þú ert áberandi og ert að fara fyrir hönd annars fólks - þá þarftu að njóta trausts og trúverðugleika,“ segir Andrés. „Getur maður sinnt starfi sínu ef maður hefur það ekki?“Viðtalið við þau Katrínu og Andrés í Bítinu má heyra hér að neðan.
Upptökur á Klaustur bar Tengdar fréttir Miðflokksmennirnir ofbeldismenn sem eigi ekki að stýra ferðinni 5. desember 2018 20:17 Vill afsögn Gunnars Braga og Bergþórs en segir Sigmund hafa vaxið sem manneskja Formaður Miðflokksfélags Reykjavíkur segir að Sigmundur Davíð Gunnlaugsson, formaður Miðflokksins, hafi vaxið sem manneskja eftir að Klaustursmálið kom upp. 5. desember 2018 12:45 Þakkar stuðning þvert á flokkana „Mér fannst mjög mikilvægt að fara í þetta viðtal og senda skýr skilaboð. Þetta mál hefur verið mér afskaplega þungbært.“ 6. desember 2018 06:00 Mest lesið Hegðun Helga kunni að skýra skort á símtölum Innlent Nýtt Lækjartorg á ís þar til flóðamat liggur fyrir Innlent Sést til dróna við fjóra flugvelli í Danmörku Erlent Ætlar sér að koma böndum á sjónvarpsstöðvar Erlent Leikskóli heimtar tugi þúsunda fyrir „listaverk“ barnanna Erlent Drónaflug í Danmörku: „Fjölþáttaógnin er að raungerast“ Erlent Hafnar fullyrðingum þingmanns um innrætingu Innlent Ástæða til að kanna betur tengsl ofurhlaupa og ristilkrabba Innlent Trump krefst rannsóknar á „þríþættu skemmdarverki“ hjá SÞ Erlent Óskaði aðstoðar með gríðarstóran hníf Innlent Fleiri fréttir Nýtt Lækjartorg á ís þar til flóðamat liggur fyrir 3,2 stiga skjálfti í Mýrdalsjökli Óskaði aðstoðar með gríðarstóran hníf Hegðun Helga kunni að skýra skort á símtölum Enska verði orðin ráðandi í atvinnulífi um miðja öld Heiðra Íslendinga með því að gera 17. júní að fánadegi Hafnar fullyrðingum þingmanns um innrætingu Skrítið að vita af ósprunginni handsprengju í næstu götu Skorar á Ingu Sæland að taka slaginn Ástæða til að kanna betur tengsl ofurhlaupa og ristilkrabba Löng bið Haraldar, umdeild kynjafræði og íslenska í útrýmingarhættu Borgin leggur bílstjórum línurnar Rafmagn aftur komið á í öllum hverfum Hélt ræðu gráti nær Gripnir glóðvolgir með íslensk lundaegg í Hollandi Stúdentar leggjast gegn sameiningunni Ekki slys á gangandi vegfaranda í „hættulegum beygjuvösum“ í tuttugu ár Fullorðinn karlmaður lést í bílslysi Nýtt stjórnsýslustig framhaldsskóla: „Þetta er eins og vont trúðaleikrit“ Bein útsending: Gervigreind og vísindamiðlun Gular viðvaranir vegna úrkomu og aukin skriðuhætta Aðferðum svipi til þeirra hjá Quang Le Leiðbeinandinn á Múlaborg í gæsluvarðhaldi í mánuð í viðbót Jarðvarmi enn mikilvægari en áður var talið Hyggst leggja af jafnlaunavottun í núverandi mynd Framkvæmdum að ljúka á gatnamótum sem gera Árbæinga gráhærða Bein útsending: Jarðhiti jafnar leikinn Látinn laus en rannsókn enn í fullum gangi „Ég var svolítið bara sett til hliðar“ Sýknudómur í máli Aðalsteins gegn Páli stendur Sjá meira
Vill afsögn Gunnars Braga og Bergþórs en segir Sigmund hafa vaxið sem manneskja Formaður Miðflokksfélags Reykjavíkur segir að Sigmundur Davíð Gunnlaugsson, formaður Miðflokksins, hafi vaxið sem manneskja eftir að Klaustursmálið kom upp. 5. desember 2018 12:45
Þakkar stuðning þvert á flokkana „Mér fannst mjög mikilvægt að fara í þetta viðtal og senda skýr skilaboð. Þetta mál hefur verið mér afskaplega þungbært.“ 6. desember 2018 06:00