Eyjafjarðarsveit auglýsir eftir sveitarstjóra

Sveitarfélagið Eyjafjarðarsveit hefur auglýst starf sveitarstjóra laust til umsóknar. Umsóknarfrestur er til og með 29. júlí.

Um þúsund manns búa í Eyjafjarðarsveit en sveitarfélagið varð til árið 1991 með sameiningu þriggja hreppa sunnan Akureyrar, Hrafnagilshrepps, Saurbæjarhrepps og Öngulsstaðahrepps.

Í auglýsingunni fyrir sveitarstjórastöðuna kemur fram að sveitin sé eitt öflugasta landbúnaðarhérað landsins, ferðaþjónusta sé ört vaxandi og miklar framkvæmdir séu um þessar mundir í íbúðabyggingum í sveitarfélaginu.