Martin meiddist í Evrópuleik: „Ég segi ein vika en læknirinn segir fjórar til sex“

Martin Hermannsson meiddist í leik Alba Berlín í Evrópukeppninni í gærkvöldi er liðið hafði betur eftir framlengingu gegn Tofas frá Tyrklandi, 106-101.

Martin skoraði ellefu stig í leiknum en hann greinir frá því á Twitter-síðu sinni að hann hafi þurft að yfirgefa völlinn vegna meiðsla.

KR-ingurinn segist vera á leið í nánari skoðun á morgun en hann vonast til að vera bara frá í eina viku. Þó eru sjúkraþjálfarar og læknar Alba Berlín ekki sammála honum.

Martin segir frá því að sjúkraþjálfarinn haldi að hann verði frá í þrjár vikur en læknirinn haldi því fram að þetta séu fjögur til sex vikur. Það komi þó í ljós á morgun.

Thanks to everyone who reached out to me!
I say 1 week
Physio says 3 weeks
Doctor says 4-6.
Lets see who is right in the MRI tomorrow

— Martin Hermannsson (@hermannsson15) November 7, 2018