Þrjú mörk frá Teiti í sigri Kristianstad

Kristianstad heldur áfram að styrkja stöðu sína á toppi sænsku úrvalsdeildarinnar í handbolta.

Teitur Örn Einarsson skoraði þrjú marka Kristianstad sem vann Ystad með þremur mörkum, 24-27 í dag. Arnar Freyr Arnarsson komst ekki á blað í liði Kristianstad.

Valter Chrintz var markahæstur Kristianstadmanna með sex mörk en Ólafur Guðmundsson var ekki í hóp hjá Kristiansdtad.

Gestirnir í Kristianstad voru 7-14 yfir í hálfleik og komust mest tíu mörkum yfir í seinni hálfleiknum en hleyptu heimamönnum aftur inn í leikinn.

Það kom þó ekki að sök því Kristianstad gekk af velli með stigin tvö og þriggja marka sigur.