Marvin heitir Bára Stefán Ó. Jónsson skrifar 7. desember 2018 07:00 Bára Halldórsdóttir vissu ekki á hverju hún átti von þegar hún settist niður með kaffibolla á Klastri þann 20. nóvember síðastliðinn. Vísir/Vilhelm „Ég varð bara svo sár og trúði því varla sem ég heyrði.“ Svona lýsir Bára Halldórsdóttir því þegar hún, fyrir tilviljun, varð vitni að samræðum í horni Klausturs þann 20. nóvember síðastliðinn, sem áttu eftir að leiða til sögulegs titrings í íslenskum stjórnmálum. Bára er þó þekktari undir öðru nafni: Marvin. Uppljóstrarinn sem tók upp ógeðfellt samtal þingmannanna sex á gamlan, brotinn Samsung Galaxy A5-síma og fann sig knúinn til að koma upptökunum í hendur fjölmiðla. Í daglegu lífi er hún 42 ára kona, fötluð og hinsegin. Henni segist hafa blöskrað samtal þessara valdamiklu manna. Samtal þar sem þeim tókst að gera lítið úr þessum þremur hópum sem Bára tilheyrir.Í samtali við nýjasta tölublað Stundarinnar segir Bára að henni hafi brugðið þegar hún heyrði á hvaða nótum þingmennir ræddu sína á milli. Hún hafi hreinlega ekki trúað eigin skilningarvitum. Því hafi hún ákveðið að hefja upptökuna, án þess að hugsa það neitt lengra. „En því meira sem ég hlustaði, því reiðari varð ég, því þarna voru saman komnir valdamiklir menn að spúa hatri yfir minnihlutahópa á almannavettvangi,“ segir Bára í samtali við Stundina og bætir við: „Ég held að það hafi verið rétt að að upplýsa almenning um það sem þarna fór fram og eftir á að hyggja er ég stolt af því.“Forsíða nýjasta tölublaðs Stundarinnar, þar sem Bára Halldórsdóttir sviptir hulunni af Marvin.Bára hefur áður veitt fjölmiðlum innsýn í upplifun sína af samtali þingmannanna á Klaustri. Það gerði hún í samtali við DV en þá undir dulnefninu Marvin, sem sótt er í Hitchhiker‘s Guide to the Galaxy. Þá sagðist hún meðal annars halda að þingmennirnir hafi talið hana vera erlendan ferðamann og þess vegna ekki gefið henni mikinn gaum.Í viðtali Stundarinnar stígur hún þó fram undir eigin nafni. Viðtalið hverfist ekki síst um þá staðreynd að Bára er, sem fyrr segir, hinsegin kona og öryrki. Þrír hópar fólks sem þingmennirnir á Klaustri úthúðuðu yfir ölglasi á þriðjudagskvöldi. Hún lýsir veruleika öryrkja á Íslandi og því skilningsleysi sem henni þykir barátta þeirra mæta hjá stjórnvöldum. Hún er með sjaldgæfan gigtarsjúkdóm og segist reglulega mæta fötlunarfordómum, Hún hefur síðustu ár haldið fyrirlestra og tekið þátt í vitundarvakningum um stöðu öryrkja, fátækra og fatlaðra, einmitt til að vinna bug á þessum fordómum.Heyrðist herbergja á milli Þann 20. nóvember settist hún niður til að fá sér kaffibolla á Klaustri og rak þar augun í kunnuglegt andlit - andlit Sigmundar Davíðs Gunnlaugssonar. Hún segist ekki hafa veitt þingmönnunum mikla eftirtekt fyrr en hún heyrði þá tala ítrekað um einhverjar „kellingar“ á þingi. Því næst hafi hún heyrt eitthvað enn grófara, sem hún man ekki hvað var, og því ákveðið að prófa að taka upp samtalið. Óþarfi er að fjölyrða um þau orð sem voru látin falla á Klaustri, þau þekkja flestir eftir afhjúpanir síðustu daga. Bára gefur þó lítið fyrir vangaveltur þingmannanna, þá sérstaklega Sigmundar Davíðs, um að hún hafi með upptöku sinni smokrað sér inn í einkasamtal sexmenninganna, eitthvað sem ætla mætti að bryti í bága við persónuverndarlög.Þau sem sátu að sumbli á Klaustri 20. nóvember. Karl Gauti Hjaltason, Bergþór Ólason, Gunnar Bragi Sveinsson, Ólafur Ísleifsson, Sigmundur Davíð Gunnlaugsson og Anna Kolbrún Árnadóttir.„Við vorum stödd í opnu rými, á stað sem er opinn almenningi, og þau töluðu svo hátt að það heyrðist um allt og meira að segja yfir í hitt rýmið á barnum,“ segir Bára. „Ég vildi óska að þetta hefði verið einkasamtal, en ég sat undir þessu og satt best að segja trúði ég ekki mínum eigin skilningarvitum.“ Þar að auki segir Bára að umtalað hljóð, sem heyrðist á Klaustri og líkt hefur verið við selsvæl, hafi verið framkvæmt inni á staðnum og að það hafi komið úr átt þingmannanna. Sigmundur útskýrði síðar að hljóðið hafi mátt reka til þess að verið var að færa stól.Þegar blaðamaður Vísis sýndi fram á að ómögulegt væri að framkvæma slíkt hljóð með stólunum á staðnum taldi Sigmundur að hljóðið gæti hafa komið úr bremsu. „Ef þetta var reiðhjól eða bíll að bremsa, þá hlýtur reiðhjólið eða bíllinn að hafa verið inni í herberginu, inni á Klaustri bar. En ég sá engan bíl og ekkert hjól,“ segir Bára. Hún segist hafa komið í áfalli heim til sín eftir kaffibollann á Klaustri. Hún hafi spilað hluta af upptökunni fyrir eiginkonu sína og að hún hafi orðið orðlaus. Þingmönnunum hafi tekist að pakka ótrúlegu magni haturs og fordóma í ekki lengra spjall. Engu að síður segist Bára vera stolt að því að vera „litla þúfan sem velti þessu þunga hlassi.“ Hún er auk þess þakklát þeim þingmönnum og almenningi sem hefur gripið tækifærið til að breyta umræðunni. Viðtalið við uppljóstrarann Báru má lesa í heild sinni í nýjasta tölublaði Stundarinnar. Upptökur á Klaustur bar Tengdar fréttir „Ekkert sem um mig hefur verið sagt í pólitík hefur sært mig eins mikið“ Sigmundur Davíð Gunnlaugsson svarar Lilju Alfreðsdóttur. 6. desember 2018 11:40 Segir Lilju hafa veitt Miðflokksmönnum rothögg Viðtal Lilju Alfreðsdóttur í gærkvöld gerði varnarstöðu og samúðarbylgju Miðflokksins að engu að mati almannatengils. 6. desember 2018 09:15 Héldu að uppljóstrarinn væri erlendur ferðamaður Upptökurnar eru rúmlega þrjár klukkustundir að lengd, í sjö hlutum og gæðin misjöfn. 30. nóvember 2018 08:02 Mest lesið Skólamál í Kópavogi: Bókun eftir bókun á fundi bæjarstjórnar Innlent Hafna „órökstuddum fullyrðingum“ Sigurðar Inga Innlent Rýnt í stöðuna í Úkraínu: Friður enn fjarlægur og Trump missir móðinn Erlent Sé hægt að gera byltingu í íslensku heilbrigðiskerfi Innlent Menningarráðherra skipaði son heilbrigðisráðherra í formannsstörf Innlent Glímdi við veikindi fyrir andlátið sem breyttu persónuleika hans Innlent Gátu ekki opnað hraðbankann þrátt fyrir ítrekaðar tilraunir Innlent Hafði ritað „Breivik“ og „Drepið Trump“ á skotvopnin Erlent Innbrot og menn til ama á útivistarsvæði Innlent Bylting framundan en Landspítalinn þurfi að hlaupa hraðar Innlent Fleiri fréttir Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Sjá meira
„Ég varð bara svo sár og trúði því varla sem ég heyrði.“ Svona lýsir Bára Halldórsdóttir því þegar hún, fyrir tilviljun, varð vitni að samræðum í horni Klausturs þann 20. nóvember síðastliðinn, sem áttu eftir að leiða til sögulegs titrings í íslenskum stjórnmálum. Bára er þó þekktari undir öðru nafni: Marvin. Uppljóstrarinn sem tók upp ógeðfellt samtal þingmannanna sex á gamlan, brotinn Samsung Galaxy A5-síma og fann sig knúinn til að koma upptökunum í hendur fjölmiðla. Í daglegu lífi er hún 42 ára kona, fötluð og hinsegin. Henni segist hafa blöskrað samtal þessara valdamiklu manna. Samtal þar sem þeim tókst að gera lítið úr þessum þremur hópum sem Bára tilheyrir.Í samtali við nýjasta tölublað Stundarinnar segir Bára að henni hafi brugðið þegar hún heyrði á hvaða nótum þingmennir ræddu sína á milli. Hún hafi hreinlega ekki trúað eigin skilningarvitum. Því hafi hún ákveðið að hefja upptökuna, án þess að hugsa það neitt lengra. „En því meira sem ég hlustaði, því reiðari varð ég, því þarna voru saman komnir valdamiklir menn að spúa hatri yfir minnihlutahópa á almannavettvangi,“ segir Bára í samtali við Stundina og bætir við: „Ég held að það hafi verið rétt að að upplýsa almenning um það sem þarna fór fram og eftir á að hyggja er ég stolt af því.“Forsíða nýjasta tölublaðs Stundarinnar, þar sem Bára Halldórsdóttir sviptir hulunni af Marvin.Bára hefur áður veitt fjölmiðlum innsýn í upplifun sína af samtali þingmannanna á Klaustri. Það gerði hún í samtali við DV en þá undir dulnefninu Marvin, sem sótt er í Hitchhiker‘s Guide to the Galaxy. Þá sagðist hún meðal annars halda að þingmennirnir hafi talið hana vera erlendan ferðamann og þess vegna ekki gefið henni mikinn gaum.Í viðtali Stundarinnar stígur hún þó fram undir eigin nafni. Viðtalið hverfist ekki síst um þá staðreynd að Bára er, sem fyrr segir, hinsegin kona og öryrki. Þrír hópar fólks sem þingmennirnir á Klaustri úthúðuðu yfir ölglasi á þriðjudagskvöldi. Hún lýsir veruleika öryrkja á Íslandi og því skilningsleysi sem henni þykir barátta þeirra mæta hjá stjórnvöldum. Hún er með sjaldgæfan gigtarsjúkdóm og segist reglulega mæta fötlunarfordómum, Hún hefur síðustu ár haldið fyrirlestra og tekið þátt í vitundarvakningum um stöðu öryrkja, fátækra og fatlaðra, einmitt til að vinna bug á þessum fordómum.Heyrðist herbergja á milli Þann 20. nóvember settist hún niður til að fá sér kaffibolla á Klaustri og rak þar augun í kunnuglegt andlit - andlit Sigmundar Davíðs Gunnlaugssonar. Hún segist ekki hafa veitt þingmönnunum mikla eftirtekt fyrr en hún heyrði þá tala ítrekað um einhverjar „kellingar“ á þingi. Því næst hafi hún heyrt eitthvað enn grófara, sem hún man ekki hvað var, og því ákveðið að prófa að taka upp samtalið. Óþarfi er að fjölyrða um þau orð sem voru látin falla á Klaustri, þau þekkja flestir eftir afhjúpanir síðustu daga. Bára gefur þó lítið fyrir vangaveltur þingmannanna, þá sérstaklega Sigmundar Davíðs, um að hún hafi með upptöku sinni smokrað sér inn í einkasamtal sexmenninganna, eitthvað sem ætla mætti að bryti í bága við persónuverndarlög.Þau sem sátu að sumbli á Klaustri 20. nóvember. Karl Gauti Hjaltason, Bergþór Ólason, Gunnar Bragi Sveinsson, Ólafur Ísleifsson, Sigmundur Davíð Gunnlaugsson og Anna Kolbrún Árnadóttir.„Við vorum stödd í opnu rými, á stað sem er opinn almenningi, og þau töluðu svo hátt að það heyrðist um allt og meira að segja yfir í hitt rýmið á barnum,“ segir Bára. „Ég vildi óska að þetta hefði verið einkasamtal, en ég sat undir þessu og satt best að segja trúði ég ekki mínum eigin skilningarvitum.“ Þar að auki segir Bára að umtalað hljóð, sem heyrðist á Klaustri og líkt hefur verið við selsvæl, hafi verið framkvæmt inni á staðnum og að það hafi komið úr átt þingmannanna. Sigmundur útskýrði síðar að hljóðið hafi mátt reka til þess að verið var að færa stól.Þegar blaðamaður Vísis sýndi fram á að ómögulegt væri að framkvæma slíkt hljóð með stólunum á staðnum taldi Sigmundur að hljóðið gæti hafa komið úr bremsu. „Ef þetta var reiðhjól eða bíll að bremsa, þá hlýtur reiðhjólið eða bíllinn að hafa verið inni í herberginu, inni á Klaustri bar. En ég sá engan bíl og ekkert hjól,“ segir Bára. Hún segist hafa komið í áfalli heim til sín eftir kaffibollann á Klaustri. Hún hafi spilað hluta af upptökunni fyrir eiginkonu sína og að hún hafi orðið orðlaus. Þingmönnunum hafi tekist að pakka ótrúlegu magni haturs og fordóma í ekki lengra spjall. Engu að síður segist Bára vera stolt að því að vera „litla þúfan sem velti þessu þunga hlassi.“ Hún er auk þess þakklát þeim þingmönnum og almenningi sem hefur gripið tækifærið til að breyta umræðunni. Viðtalið við uppljóstrarann Báru má lesa í heild sinni í nýjasta tölublaði Stundarinnar.
Upptökur á Klaustur bar Tengdar fréttir „Ekkert sem um mig hefur verið sagt í pólitík hefur sært mig eins mikið“ Sigmundur Davíð Gunnlaugsson svarar Lilju Alfreðsdóttur. 6. desember 2018 11:40 Segir Lilju hafa veitt Miðflokksmönnum rothögg Viðtal Lilju Alfreðsdóttur í gærkvöld gerði varnarstöðu og samúðarbylgju Miðflokksins að engu að mati almannatengils. 6. desember 2018 09:15 Héldu að uppljóstrarinn væri erlendur ferðamaður Upptökurnar eru rúmlega þrjár klukkustundir að lengd, í sjö hlutum og gæðin misjöfn. 30. nóvember 2018 08:02 Mest lesið Skólamál í Kópavogi: Bókun eftir bókun á fundi bæjarstjórnar Innlent Hafna „órökstuddum fullyrðingum“ Sigurðar Inga Innlent Rýnt í stöðuna í Úkraínu: Friður enn fjarlægur og Trump missir móðinn Erlent Sé hægt að gera byltingu í íslensku heilbrigðiskerfi Innlent Menningarráðherra skipaði son heilbrigðisráðherra í formannsstörf Innlent Glímdi við veikindi fyrir andlátið sem breyttu persónuleika hans Innlent Gátu ekki opnað hraðbankann þrátt fyrir ítrekaðar tilraunir Innlent Hafði ritað „Breivik“ og „Drepið Trump“ á skotvopnin Erlent Innbrot og menn til ama á útivistarsvæði Innlent Bylting framundan en Landspítalinn þurfi að hlaupa hraðar Innlent Fleiri fréttir Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Sjá meira
„Ekkert sem um mig hefur verið sagt í pólitík hefur sært mig eins mikið“ Sigmundur Davíð Gunnlaugsson svarar Lilju Alfreðsdóttur. 6. desember 2018 11:40
Segir Lilju hafa veitt Miðflokksmönnum rothögg Viðtal Lilju Alfreðsdóttur í gærkvöld gerði varnarstöðu og samúðarbylgju Miðflokksins að engu að mati almannatengils. 6. desember 2018 09:15
Héldu að uppljóstrarinn væri erlendur ferðamaður Upptökurnar eru rúmlega þrjár klukkustundir að lengd, í sjö hlutum og gæðin misjöfn. 30. nóvember 2018 08:02