Árasarmaðurinn ákærður fyrir morðin í 29 liðum

Maðurinn sem skaut ellefu til bana í bænahúsi gyðinga í Pittsburgh í Bandaríkjunum í gær var ákærður fyrir morðin í gærkvöldi. Saksóknari greindi frá ákærunni í gær en hún er í 29 liðum.

Maðurinn heitir Robert D. Bowers og er 46 ára gamall. Færslur hans á samfélagsmiðlum lýsa miklu gyðingahatri en hann á að hafa hrópað að „allir gyðingar [skuli] deyja“ þegar hann hóf skothríðina. Hann gafst upp að lokinni árásinni og er í haldi lögreglu.

Bowers verður m.a. ákærður fyrir að fremja morð með skotvopni og þá hafa saksóknarar einnig gefið það út að þeir hyggist ákæra hann fyrir hatursglæpi. Hugsanlegt er að farið verði fram á dauðarefsingu yfir Bowers, líkt og Donald Trump Bandaríkjaforseti kallaði eftir í gær.