Bjarki Már lék í þriggja marka sigri Fuchse Berlin

Bjarki Már Elísson komst ekki á blað í sigri Fuchse Berlin á Leipzig í þýsku úrvalsdeildinni í handbolta í dag.



Liðin eru að berjast á sitt hvorum enda deildarinnar en Fuchse var á heimavelli í dag.



Jafnræði var með liðunum í fyrri hálfleik en þegar flautað var til hálfleiks leiddu heimamenn með einu marki, 13-12.



Svipað var upp á teningnum í seinni hálfleik en um miðbik seinni hálfleiks sigu Fuchse lengra fram úr Leipzig og náðu best fjögurra marka forystu.



Fuchse hélt forystu sinni út leikinn og lauk leiknum með þriggja marka sigri Berlínarrefanna.



Bjarki Már lék með liði Fuchse í dag en hann náði ekki að skora í leiknum.



Fuchse er komið í fimmta sæti deildarinnar með sigrinum.