Íslendingarnir í West Wien skoruðu helming marka liðsins í tapi

Íslendingarnir í West Wien voru atkvæðamiklir í tveggja marka tapi á Aon Fivers en þeir skoruðu helming marka Wien í kvöld.



Ólafur Bjarki Ragnarsson, Viggó Kristjánsson og Guðmundur Hólmar Helgason áttu allir fínan leik í liði Wien í kvöld en Hannes Jón Jónsson þjálfar liðið.



Viggó var atkvæðamestur íslensku leikmanna með sex mörk, en Guðmundur skoraði fjögur og Ólafur Bjarki bætti við þremur. Wien tapaði 26-28 á heimavelli og skoruðu íslensku leikmennirnir því helming marka Wien í kvöld.



Wien er í þriðja sæti austurrísku úrvalsdeildarinnar.