Telja að upptökur af Klaustur bar muni sýna að Bára segi ekki allan sannleikann Birgir Olgeirsson og Kolbeinn Tumi Daðason skrifa 17. desember 2018 15:36 Þingmenn Miðflokksins á Klaustri þriðjudagskvöldið 20. nóvember. Vísir/Bára Halldórsdóttir Reimar Pétursson, lögmaður fjögurra þingmanna Miðflokksins, segir að brotið hafi verið á rétti þingmannanna til einkalífs. Þetta hafi gerst þegar Bára Halldórsdóttir tók upp einkasamtal sem þau hafi átt á Klaustur bar þann 20. nóvember. Hljóðritunin hafi verið þeim óafvitandi og samtal þeirra gert opinbert. Í því hafi falist brot gegn 229. grein almennra hegningarlaga. Auk þess varði brotin skaða- og miskabótaskyldu. Reimar sagði það markmið þingmannanna fjögurra, Sigmundar Davíðs Gunnlaugssonar, Gunnars Braga Sveinssonar, Bergþórs Ólasonar og Önnu Kolbrúnar Ólafsdóttur, að tryggja sönnun á því hvernig á brotinu gegn þeim hafi verið staðið. Þingmennirnir voru fjarverandi þegar málflutningur fór fram í dag. Tekist var á um það hvort leiða mætti vitni fyrir dóm og afla sönnunargagna, meðal annars í formi myndbandsupptaka.Bára Halldórsdóttir í Héraðsdómi Reykjavíkur með nýjan farsíma sem hún fékk að gjöf frá ónefndum velgjörðarmanni.Vísr/VilhelmVill tryggja tilvist myndefnisins Það vilji þannig til, að sögn Reimars, að til sé myndefni úr eftirlitsmyndavélum bæði Alþingis og Dómkirkjunnar sem ætti að geta varpað ljósi á málið og sé mikilvægt að lagt verði fyrir dóm. „Þetta er auðvitað þannig að myndefni er ekki varðveitt að eilífu heldur er það mismunandi,“ sagði Reimar. Viðmiðunarregla Persónuverndar væri níutíu dagar og sama hjá Alþingi að því er hann taldi. „Mér hefur skilist að myndavélar á Klaustri séu stilltar þannig í skemmri tíma en ráðstafanir þar til að varðveita í sex mánuði en sá tími er ekki nægjanlegur ef til dómsmáls tekur og mikilvægt að tryggja tilvist þessa myndefnis.“Bára naut mikils stuðnings í héraðsdómi í dag.Vísir/VilhelmÁ myndefninu ætti að vera hægt að sjá nákvæmlega hvernig Bára hafi framkvæmt brotið og ætti að sjást hvernig hún hafi haldið upptökunum leyndum fyrir þingmönnunum. Það sýni hversu sterkur ásetningur hennar hafi verið til brotsins og eins hvort einhver hafi framkvæmt brotið með henni. „Þannig að beiðnin snýst fyrst og fremst um það að fá vitneskju um þessi atriði á þessum stigum málsins,“ sagði Reimar. Bára hafnaði því við upphaf þinghalds í dag að gefa skýrslu. Sagði Reimar það einkennilegt af henni enda sé hún boðberi gagnsæis á kostnað einkalífs. Það veki auknar grunsemdir að frásögn hennar af atvikum sé ekki fullkomlega heiðarleg. Þá bætti Reimar við að þingmönnunum fjórum þætti eitthvað vanta inn í frásögn Báru, þ.e. miðað við það sem komið hefði fram í fjölmiðlum. Þá frásögn telji þeir ekki trúverðuga og hún standist ekki skynsemisskoðun. Því sé óásættanlegt að hafa ekki myndefnið af Klaustur bar til skoðunar.Bára hafi ekkert að felaAuður Tinna Aðalbjarnardóttir, annar lögmanna Báru, sagði að málið væri þegar til meðferðar hjá Persónuvernd. Að öllum líkindum verði höfðað mál vegna upptakanna þar sem málið verður væntanlega leitt til lyktar. Þá sagði Auður að hægt væri að afla frekari upplýsinga á annan hátt en að leiða Báru til vitnis. Forsendur vitnamálsins væru brostnar eftir að Bára steig fram í viðtali og sagði Auður að Bára hefði ekkert að fela þó að hún hafnaði að gefa skýrslu. Lárentsínus Kristjánsson héraðsdómari sagði að málið yrði í framhaldinu tekið til úrskurðar, þ.e. hvort vitni yrðu kölluð fyrir dóminn og heimild veitt til að afla gagna úr myndavélum. Sagðist hann stefna á að kveða upp úrskurðinn fyrir vikulok en það gæti þó dregist. Þegar Bára kom aftur fram á ganginn eftir að þinghaldi lauk beið þar fjöldi fólks sem klappaði og kallaði „Bára Bára Bára.“Klippa: Báru fagnað í héraðsdómi Reykjavíkur Upptökur á Klaustur bar Mest lesið Sagði til myndbönd af Matthíasi að berja menn í tálbeituaðgerðum Innlent Ekkja hins látna: „Hann var enginn barnaperri“ Innlent Móðir um sakborning: „Matthías er blíður og góður“ Innlent Heimsótti foreldra Matthíasar: Sagðist sjálfur hafa átt hugmynd að lögmannaskiptum Innlent Milljónirnar 22 voru enn í hraðbankanum þegar hann fannst Innlent Hunsa rauða ljósið í Reynisfjöru: „Er að setja sig í mjög meðvitaða hættu“ Innlent „Það er bara allt á floti hérna alls staðar“ Innlent „Tesla er ekki málið til að standa í svona“ Innlent Alvarlegt hversu mörg börn skorti samkennd Innlent „Unglingadrykkjan virðist vera orðin norm“ Innlent Fleiri fréttir „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjálfstæðisflokkurinn aftur orðinn stærstur í borginni Ríkið braut á konu með því að láta mál hennar fyrnast Ekkja hins látna: „Hann var enginn barnaperri“ Metaregn í hlýindum á Íslandi Miklir vatnavextir og Fjallabak illfært flestum bílum Alvarlegt hversu mörg börn skorti samkennd Ísland gat ekki gert losunarmarkmið ESB að sínu Skjálfti við Húsavík Byssan reyndist leikfang „Það er sú aðgerð sem mun hraðast slá á þetta misræmi“ „Nokkur fjöldi“ ísjaka 16 kílómetrum frá Tröllaskaga „Ég segi bara að þögn er sama og samþykki“ „Unglingadrykkjan virðist vera orðin norm“ Staðan ekki alvarleg í Haukadalsá Loka Bröttubrekku í tvo daga Sjá meira
Reimar Pétursson, lögmaður fjögurra þingmanna Miðflokksins, segir að brotið hafi verið á rétti þingmannanna til einkalífs. Þetta hafi gerst þegar Bára Halldórsdóttir tók upp einkasamtal sem þau hafi átt á Klaustur bar þann 20. nóvember. Hljóðritunin hafi verið þeim óafvitandi og samtal þeirra gert opinbert. Í því hafi falist brot gegn 229. grein almennra hegningarlaga. Auk þess varði brotin skaða- og miskabótaskyldu. Reimar sagði það markmið þingmannanna fjögurra, Sigmundar Davíðs Gunnlaugssonar, Gunnars Braga Sveinssonar, Bergþórs Ólasonar og Önnu Kolbrúnar Ólafsdóttur, að tryggja sönnun á því hvernig á brotinu gegn þeim hafi verið staðið. Þingmennirnir voru fjarverandi þegar málflutningur fór fram í dag. Tekist var á um það hvort leiða mætti vitni fyrir dóm og afla sönnunargagna, meðal annars í formi myndbandsupptaka.Bára Halldórsdóttir í Héraðsdómi Reykjavíkur með nýjan farsíma sem hún fékk að gjöf frá ónefndum velgjörðarmanni.Vísr/VilhelmVill tryggja tilvist myndefnisins Það vilji þannig til, að sögn Reimars, að til sé myndefni úr eftirlitsmyndavélum bæði Alþingis og Dómkirkjunnar sem ætti að geta varpað ljósi á málið og sé mikilvægt að lagt verði fyrir dóm. „Þetta er auðvitað þannig að myndefni er ekki varðveitt að eilífu heldur er það mismunandi,“ sagði Reimar. Viðmiðunarregla Persónuverndar væri níutíu dagar og sama hjá Alþingi að því er hann taldi. „Mér hefur skilist að myndavélar á Klaustri séu stilltar þannig í skemmri tíma en ráðstafanir þar til að varðveita í sex mánuði en sá tími er ekki nægjanlegur ef til dómsmáls tekur og mikilvægt að tryggja tilvist þessa myndefnis.“Bára naut mikils stuðnings í héraðsdómi í dag.Vísir/VilhelmÁ myndefninu ætti að vera hægt að sjá nákvæmlega hvernig Bára hafi framkvæmt brotið og ætti að sjást hvernig hún hafi haldið upptökunum leyndum fyrir þingmönnunum. Það sýni hversu sterkur ásetningur hennar hafi verið til brotsins og eins hvort einhver hafi framkvæmt brotið með henni. „Þannig að beiðnin snýst fyrst og fremst um það að fá vitneskju um þessi atriði á þessum stigum málsins,“ sagði Reimar. Bára hafnaði því við upphaf þinghalds í dag að gefa skýrslu. Sagði Reimar það einkennilegt af henni enda sé hún boðberi gagnsæis á kostnað einkalífs. Það veki auknar grunsemdir að frásögn hennar af atvikum sé ekki fullkomlega heiðarleg. Þá bætti Reimar við að þingmönnunum fjórum þætti eitthvað vanta inn í frásögn Báru, þ.e. miðað við það sem komið hefði fram í fjölmiðlum. Þá frásögn telji þeir ekki trúverðuga og hún standist ekki skynsemisskoðun. Því sé óásættanlegt að hafa ekki myndefnið af Klaustur bar til skoðunar.Bára hafi ekkert að felaAuður Tinna Aðalbjarnardóttir, annar lögmanna Báru, sagði að málið væri þegar til meðferðar hjá Persónuvernd. Að öllum líkindum verði höfðað mál vegna upptakanna þar sem málið verður væntanlega leitt til lyktar. Þá sagði Auður að hægt væri að afla frekari upplýsinga á annan hátt en að leiða Báru til vitnis. Forsendur vitnamálsins væru brostnar eftir að Bára steig fram í viðtali og sagði Auður að Bára hefði ekkert að fela þó að hún hafnaði að gefa skýrslu. Lárentsínus Kristjánsson héraðsdómari sagði að málið yrði í framhaldinu tekið til úrskurðar, þ.e. hvort vitni yrðu kölluð fyrir dóminn og heimild veitt til að afla gagna úr myndavélum. Sagðist hann stefna á að kveða upp úrskurðinn fyrir vikulok en það gæti þó dregist. Þegar Bára kom aftur fram á ganginn eftir að þinghaldi lauk beið þar fjöldi fólks sem klappaði og kallaði „Bára Bára Bára.“Klippa: Báru fagnað í héraðsdómi Reykjavíkur
Upptökur á Klaustur bar Mest lesið Sagði til myndbönd af Matthíasi að berja menn í tálbeituaðgerðum Innlent Ekkja hins látna: „Hann var enginn barnaperri“ Innlent Móðir um sakborning: „Matthías er blíður og góður“ Innlent Heimsótti foreldra Matthíasar: Sagðist sjálfur hafa átt hugmynd að lögmannaskiptum Innlent Milljónirnar 22 voru enn í hraðbankanum þegar hann fannst Innlent Hunsa rauða ljósið í Reynisfjöru: „Er að setja sig í mjög meðvitaða hættu“ Innlent „Það er bara allt á floti hérna alls staðar“ Innlent „Tesla er ekki málið til að standa í svona“ Innlent Alvarlegt hversu mörg börn skorti samkennd Innlent „Unglingadrykkjan virðist vera orðin norm“ Innlent Fleiri fréttir „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjálfstæðisflokkurinn aftur orðinn stærstur í borginni Ríkið braut á konu með því að láta mál hennar fyrnast Ekkja hins látna: „Hann var enginn barnaperri“ Metaregn í hlýindum á Íslandi Miklir vatnavextir og Fjallabak illfært flestum bílum Alvarlegt hversu mörg börn skorti samkennd Ísland gat ekki gert losunarmarkmið ESB að sínu Skjálfti við Húsavík Byssan reyndist leikfang „Það er sú aðgerð sem mun hraðast slá á þetta misræmi“ „Nokkur fjöldi“ ísjaka 16 kílómetrum frá Tröllaskaga „Ég segi bara að þögn er sama og samþykki“ „Unglingadrykkjan virðist vera orðin norm“ Staðan ekki alvarleg í Haukadalsá Loka Bröttubrekku í tvo daga Sjá meira