Stórtap Skjern í Meistaradeildinni

Paris Saint-Germain vann stórsigur á Íslendingaliði Skjern í Meistaradeild Evrópu í handbolta.

Uwe Gensheimier átti stórleik fyrir franska liðið og skoraði níu af 38 mörkum liðsins. Sander Sagosen skoraði átta og svo þeir félagar áttu nærri helming marka PSG í tíu marka sigri 38-28.

Tandri Már Konráðsson var ekki í leikmannahópi Skjern en Björgvin Páll Gústavsson var á sínum stað.

Eivind tangen var markahæstur í liði Danmerkurmeistaranna með sex mörk, Anders Eggert Magnussen gerði fimm mörk úr fimm skotum.

PSG er því áfram á toppi B-riðils á meðan Skjern er við botninn með sex stig úr 10 leikjum.