Aron skoraði þrjú í átján marka sigri

Aron Pálmarsson og félagar í Barcelona eru í algjörum sérflokki í spænsku úrvalsdeildinni í handbolta og eru með fullt hús stiga eftir fjórtán umferðir.

Í dag heimsótti liðið Puente Genil og er skemmst frá því að segja að Börsungar unnu afar auðveldan átján marka sigur, 28-46 eftir að hafa leitt með ellefu mörkum í leikhléi, 14-25.

Aron nýtti öll þrjú skot sín í leiknum.

Börsungar eru með níu stiga forskot á toppi deildarinnar en Bidasoa og Ademar Leon eru saman í 2-3.sæti með 19 stig.