Innlit í einkaþotuna sem Kim og Kanye ferðast um í

Raunveruleikastjarnan Kim Kardashian sýndi fylgjendum sínum inn í einkaþotu sem hún ferðaðist í með Kanye West.

Um er að ræða flugvél af tegundinni Boeing 747 og eru meðal annars nokkur svefnherbergi og það mikið pláss að hægt var að koma upp smá líkamsrækt í vélinni. Einnig eru nokkrar fullkomnar setustofur en vélin er á tveimur hæðum. 

Vélin er í eigu íþróttavörufyrirtækisins Adidas en eins og margir vita hannar eiginmaður Kim, rapparinn Kanye West Adidas skóna Yeezy.

Hér að neðan má sjá myndband sem Daily Mail birtir á vefsíðu sinni.