Vignir hafði betur gegn Ólafi

Vignir Svavarsson og félagar í Holstebro unnu sigur á KIF Kolding í Íslendingaslag í dönsku úrvalsdeildinni í handbolta í kvöld.

Vignir skoraði eitt mark í 25-22 heimasigri Holstebro.

Heimamenn náðu góðu forskoti í fyrri hálfleik en gestirnir í Kolding minnkuðu muninn fyrir leikhlé, staðan var 14-12 í hálfleik.

Holstebro hélt forystunni allan seinni hálfleikinn og náði að sigla heim þriggja marka sigri.

Ólafur Gústafsson skoraði eitt mark í þremur skotum í liði Kolding.