Ástin og borgin sterk áhrif Stefán Þór Hjartarson skrifar 3. nóvember 2018 09:30 Máni mætir til landsins í næstu viku til að spila glænýja tónlist á Airwaves-hátíðinni. Lagið Picture I Recall með Mána Orrasyni kom út í gær og með því fylgir myndband. Máni Orrason vakti athygli einungis 17 ára gamall fyrir lagið Fed All My Days sem var gríðarlega mikið spilað í íslensku útvarpi á sínum tíma. Hann var tilnefndur til Íslensku hlustendaverðlaunanna árið 2015 sem nýliði ársins og fyrir myndband ársins og einnig tilnefndur til Íslensku tónlistarverðlaunanna þetta sama ár. Máni var búsettur í Spáni lengi vel en hefur núna flutt til Berlínar þar sem hann hefur verið að búa til tónlist síðasta hálfa árið – og Berlín sjálf hefur haft töluverð áhrif á músíkina. „Þetta er fyrsti singúll af EP-plötu sem ég er að gefa út næsta vor – þetta er plata sem ég var að klára fyrir nokkrum vikum og tók upp hér í Berlín. Ég tók hana upp með pródúser sem ég kynntist hérna. Þetta er búið að vera gríðarlega spennandi og skemmtilegt verkefni,“ segir Máni og bætir við að platan hafi orðið til mjög hratt enda var hún gerð undir áhrifum líklega sterkasta skapandi drifkraftsins; ástarinnar. „Lögin eru svolítið um það – samband mitt við þessa manneskju og sjálfan mig í þessu sambandi. Það má segja að ástin hafi búið þessa plötu til. Samt eru þetta ekki allt ástarlög: þó ég sé að semja um samband mitt við þessa manneskju þá er ég meira að semja um sjálfan mig í sambandinu.“ Og það er ekki langt fyrir Íslendinga að bíða þess að geta séð Mána spila þetta nýja efni – hann kemur að sjálfsögðu á Airwaves-hátíðina með ferska tónlist í farteskinu. „Ég spila á Húrra sjöunda nóvember. Ég ætla aðallega að spila ný lög af þessari EP-plötu. Með þessi nýju lög erum við eiginlega búnir að breyta um hljóm. Ég er með popp/folk bakgrunn og hef eiginlega alltaf spilað með trommu, bassa, gítar. En af því að þessi tónlist hljómar allt öðruvísi verður sjóvið allt öðruvísi – þetta eru miklu meira raftrommur og synthar og þannig.“ Máni segir dvölina í Berlín síðustu mánuði hafa haft mikil áhrif á sig – hann fann ástina, hann kynntist pródúsernum sem hann er að vinna með núna og borgin sjálf sem fyrirbæri hafði líka mikil áhrif. „Það að flytja til Berlínar gerði mér kleift að byrja upp á nýtt og gera eitthvað sem ég hafði aldrei pælt í áður. Ég hef líka aldrei búið í borg áður og það að vera nafnlaus manneskja í borg þar sem enginn veit hver þú ert er mikið frelsi. Ég held að Berlín og það að finna ástina hafi verið aðalundirstöðurnar fyrir plötuna og leyft mér að vera opinn fyrir að gjörsamlega breyta því hvernig ég hugsa um tónlist, hvernig ég hugsa um sjálfan mig og hvernig ég skilgreini mig sem manneskja.“ Eftir Airwaves er Máni að fara að túra um Þýskaland en þar hefur hann ávallt verið vinsæll og svo mun hann halda áfram að gefa út lög þangað til platan hans kemur út á næsta ári. Birtist í Fréttablaðinu Mest lesið Erna Ómars er borgarlistamaður Reykjavíkur Menning Segir brjóst myndast við mikla bjórdrykkju Lífið Þetta höfðu netverjar að segja um kappræðurnar Lífið Frambjóðendum gekk misvel í hraðaspurningum Lífið Herra Hnetusmjör og Sara selja íbúðina Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Kjúklinganaggar hollu stjúpunnar Lífið Hugsar vel um sig til að vera aðlaðandi fyrir Línu Makamál Sigga á Grund er fyrsti heiðursborgari Flóahrepps Lífið „Aldrei verið jafn stolt af mér“ Tónlist Fleiri fréttir „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira
Lagið Picture I Recall með Mána Orrasyni kom út í gær og með því fylgir myndband. Máni Orrason vakti athygli einungis 17 ára gamall fyrir lagið Fed All My Days sem var gríðarlega mikið spilað í íslensku útvarpi á sínum tíma. Hann var tilnefndur til Íslensku hlustendaverðlaunanna árið 2015 sem nýliði ársins og fyrir myndband ársins og einnig tilnefndur til Íslensku tónlistarverðlaunanna þetta sama ár. Máni var búsettur í Spáni lengi vel en hefur núna flutt til Berlínar þar sem hann hefur verið að búa til tónlist síðasta hálfa árið – og Berlín sjálf hefur haft töluverð áhrif á músíkina. „Þetta er fyrsti singúll af EP-plötu sem ég er að gefa út næsta vor – þetta er plata sem ég var að klára fyrir nokkrum vikum og tók upp hér í Berlín. Ég tók hana upp með pródúser sem ég kynntist hérna. Þetta er búið að vera gríðarlega spennandi og skemmtilegt verkefni,“ segir Máni og bætir við að platan hafi orðið til mjög hratt enda var hún gerð undir áhrifum líklega sterkasta skapandi drifkraftsins; ástarinnar. „Lögin eru svolítið um það – samband mitt við þessa manneskju og sjálfan mig í þessu sambandi. Það má segja að ástin hafi búið þessa plötu til. Samt eru þetta ekki allt ástarlög: þó ég sé að semja um samband mitt við þessa manneskju þá er ég meira að semja um sjálfan mig í sambandinu.“ Og það er ekki langt fyrir Íslendinga að bíða þess að geta séð Mána spila þetta nýja efni – hann kemur að sjálfsögðu á Airwaves-hátíðina með ferska tónlist í farteskinu. „Ég spila á Húrra sjöunda nóvember. Ég ætla aðallega að spila ný lög af þessari EP-plötu. Með þessi nýju lög erum við eiginlega búnir að breyta um hljóm. Ég er með popp/folk bakgrunn og hef eiginlega alltaf spilað með trommu, bassa, gítar. En af því að þessi tónlist hljómar allt öðruvísi verður sjóvið allt öðruvísi – þetta eru miklu meira raftrommur og synthar og þannig.“ Máni segir dvölina í Berlín síðustu mánuði hafa haft mikil áhrif á sig – hann fann ástina, hann kynntist pródúsernum sem hann er að vinna með núna og borgin sjálf sem fyrirbæri hafði líka mikil áhrif. „Það að flytja til Berlínar gerði mér kleift að byrja upp á nýtt og gera eitthvað sem ég hafði aldrei pælt í áður. Ég hef líka aldrei búið í borg áður og það að vera nafnlaus manneskja í borg þar sem enginn veit hver þú ert er mikið frelsi. Ég held að Berlín og það að finna ástina hafi verið aðalundirstöðurnar fyrir plötuna og leyft mér að vera opinn fyrir að gjörsamlega breyta því hvernig ég hugsa um tónlist, hvernig ég hugsa um sjálfan mig og hvernig ég skilgreini mig sem manneskja.“ Eftir Airwaves er Máni að fara að túra um Þýskaland en þar hefur hann ávallt verið vinsæll og svo mun hann halda áfram að gefa út lög þangað til platan hans kemur út á næsta ári.
Birtist í Fréttablaðinu Mest lesið Erna Ómars er borgarlistamaður Reykjavíkur Menning Segir brjóst myndast við mikla bjórdrykkju Lífið Þetta höfðu netverjar að segja um kappræðurnar Lífið Frambjóðendum gekk misvel í hraðaspurningum Lífið Herra Hnetusmjör og Sara selja íbúðina Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Kjúklinganaggar hollu stjúpunnar Lífið Hugsar vel um sig til að vera aðlaðandi fyrir Línu Makamál Sigga á Grund er fyrsti heiðursborgari Flóahrepps Lífið „Aldrei verið jafn stolt af mér“ Tónlist Fleiri fréttir „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira