Arnar Birkir skoraði þrjú í tapi gegn Björgvini og Tandra

Það var boðið upp á Íslendingaslag í dönsku úrvalsdeildinni í handbolta í dag þegar Skjern heimsótti Sonderjyske.

Arnar Birkir Hálfdánsson leikur með Sonderjyske og hann var markahæstur Íslendinganna með þrjú mörk. 

Þau dugðu þó skammt því Skjern, með Björgvin Pál Gústavsson og Tandra Má Konráðsson innanborðs, unnu fimm marka sigur, 25-30. Staðan í leikhléi var jöfn, 15-15 en í síðari hálfleik tóku gestirnir öll völd.

Tandri komst ekki á blað en Thomas Mogensen var langmarkahæstur í liði Skjern með tíu mörk.