Arnór í liði umferðarinnar

Arnór Þór Gunnarsson hefur verið frábær það sem af er tímabilinu í þýsku Bundesligunni í handbolta og var hann valinn í lið 10. umferðarinnar.

Arnór skoraði sex mörk í sjö skotum fyrir Bergischer um helgina þegar liðið tapaði fyrir Melsungen.

Íslenski landsliðsmaðurinn er næstmarkahæstur í deildinni með 67 mörk. Matthias Musche er þar langhæstur með 107 mörk.

Arnór komst í lið mánaðarins í september og á hann stóran þátt í því að nýliðar Bergischer eru í fimmta sæti deildarinnar.