Ragnhildur Steinunn og Haukur eiga von á tvíburum

Sjónvarpskonan Ragnhildur Steinunn Jónsdóttir og sálfræðingurinn Haukur Ingi Guðnason eiga von á tvíburum. Ragnhildur Steinunn greindi frá þessu á Facebook-síðu sinni í morgun.

„Þessir laumufarþegar fylgdu okkur heim frá Ítalíu í sumar. Eineggja tvíburar væntanlegir í mars. Þvílík brúðkaupsgjöf og gæfa,“ skrifar Ragnhildur Steinunn við myndina, sem sýnir þau hjónin lukkuleg með sónarmynd af væntanlegum tvíburum.

Hjónin gengu í það heilaga við hátíðlega athöfn á Ítalíu í sumar en þau byrjuðu saman árið 1996. Tvíburarnir verða börn númer þrjú og fjögur en fyrir eiga Ragnhildur Steinunn og Haukur tvö börn saman.

Sindri Sindrason kíkti í heimsókn til Ragnhildar Steinunnar um árið.