Bandaríska poppsöngkonana Ariana Grande setti í dag mynd af rapparanum Mac Miller á Instagram-síðu sína, en hann lést í gær. Talið er að rekja megi andlátið til þess að Miller hafi innbyrt of stóran skammt fíkniefna.

Grande og Miller voru saman í tvö ár en sambandi þeirra lauk í maí á þessu ári. Stuttu síðar opinberaði söngkonan samband sitt við núverandi unnusta sinn, grínistann Pete Davidson en þau trúlofuðu sig stuttu seinna.

Þegar fregnir bárust af andláti rapparans herjuðu aðdáendur hans á samfélagsmiðlasíður Grande, þar sem þeir kenndu henni um ótímabært andlát hans. Grande þurfti þá að loka fyrir athugasemdir á Instagram-reikningi sínum og hefur ekki enn opnað fyrir þær.

Myndina af Miller sem söngkonan setti inn má sjá hér að neðan.