Silva um Gylfa: „Ég naut þess að horfa á hann“

Gylfi Þór Sigurðsson heillaði marga með frammistöðu sinni í leik Everton og Southampton um síðustu helgi. Knattspyrnustjórinn Marco Silva lofaði Gylfa á blaðamannafundi í dag.

„Hann er frábær,“ sagði Silva um Gylfa. „Ekki bara á bolta heldur án boltans líka.“

Everton sækir Bournemouth heim í ensku úrvalsdeildinni á laugardag.

„Þegar við erum með boltann er hann leikmaður í háum gæðaflokki, sérstaklega þegar hann finnur pláss eins og hann gerði í síðasta leik.“

„Ég hafði virkilega gaman af því að horfa á hann,“ sagði Marco Silva.

Leikur Bournemouth og Everton hefst klukkan 14:00 að íslenskum tíma á laugardaginn.