Bjarki Már með tvö mörk í óvæntu tapi

Bjarki Már Elísson og félagar í Fuchse Berlín töpuðu nokkuð óvænt gegn FRISCH AUF! Göppingen, 21-18, í fyrstu umferð þýsku úrvalsdeildarinnar.

Jafnræði var með liðunum í fyrri hálfleik en Göppingen var þó oftast skrefi á undan. Þeir leiddu með tveimur mörkum í hálfleik, 11-9.

Í síðari hálfeik náðu heimamenn í Göppingen mest fimm marka forystu en lokatölur urðu þriggja marka sigur Göppingen, 21-18.

Bjarki Már skoraði tvö mörk fyrir Berlínar-refina en markahæstur þeirra var Mijajlo Marsenic með fjögur mörk.