Liðsfélagi Guðjóns og Alexanders skellti sér á skeljarnar eftir leik | Myndband

Tómas Þór Þórðarson skrifar 27. ágúst 2018 23:30

Rómantíkin var svo sannarlega við völd í þýsku 1. deildinni í handbolta í gær eftir auðveldan sigur Íslendingaliðsins Rhein-Neckar Löwen gegn Lemgo, 28-21.

Þegar að þýska sjónvarpið var að taka viðtal við markvörð Lemgo í beinni útsendingu varð allt í einu uppi fótur og fit þegar að danski landsliðsmaðurinn Mads Mensah Larsen bað kærustu sína að koma niður á gólf.

#LoewenLove pic.twitter.com/jzVZB0yaNe
— Rhein-Neckar Löwen (@RNLoewen) August 26, 2018

Myndavélarnar beindust að þeim danska sem skellti sér á skeljarnar og bað kærustunnar. Hún sagði já, sem betur fer og fór grátandi af gleði upp í stúku þar sem að eiginkona Guðjóns Vals Sigurðssonar tók á móti henni og faðmaði.

Guðjón Valur skoraði ekki í leiknum en Alexander Petersson setti eitt. Mads Mensah skoraði tvö mörk og fiskaði eina unnustu.

Bónorðið má sjá í spilaranum hér að neðan.

Handbolti

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.