Enski boltinn

Pochettino: Ekki raunhæft að fá Bale

Dagur Lárusson skrifar
Mauricio Pochettino.
Mauricio Pochettino. vísir/getty
Mauricio Pochettino, stjóri Tottenham, segir að það sé ekki raunhæft að Tottenham kaupi Gareth Bale í sumar.

 

Tottenham á ennþá eftir að fá til sín nýjan leikmann í sumar en Pochettino var spurður út í málið í nótt og einnig út í möguleikann að fá Gareth Bale til félagsins en framtíð hans hjá Real Madrid hefur verið óljós upp á síðkastið.

 

„Ég held einfaldlega að það sé ekki raunhæft að fá hann til liðsins,“ sagði Pochettino með bros á vör.

 

Pochettino sagði þó að félagið muni að öllum líkindum fá til sín nýja leikmenn áður en glugginn lokar.

 

„Sama hvort að við værum með mikið af meiðslum í okkar leikmannahópi eða ekki þá var það alltaf stefnan eftir síðasta tímabil að kaupa nýja leikmenn til þess að styrkja liðið og það hefur ekki breyst.“

 

„Við verðum að halda ró okkar og leggja hart að okkur. Mín einbeiting fer í það að hjálpa liðinu og sjá til þess að við spilum á þann veg sem ég vil að við spilum og að við séum tilbúnir fyrir komandi tímabil.“

 

„Staðan væri ekki öðruvísi ef ég væri ekki svona rólegur, ég get lofað ykkur því.“

 

Enski boltinn

Tengdar fréttir

Mest lesið


Fleiri fréttir

Sjá meira


×

Mest lesið