Pochettino sagður vilja Martial

Breski miðillinn The Telegraph greinir frá því að Mauricio Pochettino, stjóri Tottenham, vilji ólmur fá Anthony Martial frá Manchester United í sumar.

 

Martial hefur ekki verið fastamaður í byrjunarliði United á leiktíðinni en hann byrjaði t.d. ekki í úrslitaleiknum í gær. Hann var einnig ekki valinn í landsliðshóp Frakka fyrir HM í sumar.

 

Sögusagnir þess efnis að Martial vilji fara frá félaginu hafa verið í gangi frá áramótum og hafa þær sögusagnir orðnar fleirri eftir því sem leið á leiktíðina og eftir það sem Mourinho hefur sagt í viðtölum um þá Martial og Rashford.

 

Mauricio Pochettino vill að Daniel Levy, stjórnarformaður Tottennham, taki áhættur á leikmannamarkaðnum í sumar og vill því að félagið kaupi Martial að sögn The Telegraph.

 

Martial kom til Manchester United sumarið 2015 en það sumar hafði Tottenham einnig spurst fyrir um leikmanninn.