Rýnt í úrslit borgarstjórnarkosninga: Viðreisn í lykilstöðu Margrét Helga Erlingsdóttir skrifar 27. maí 2018 08:46 Það eru ýmsar breytingar á borgarstjórn Reykjavíkur þegar úrslit kosninganna liggja fyrir. Vísir/Vilhelm Lokatölur úr borgarstjórnarkosningum, sem voru kynntar á sjöunda tímanum, sýna svo ekki sé um villst að meirihluti Samfylkingar, Vinstri grænna, Pírata og Bjartrar framtíðar er fallinn. Það dregur heldur betur til tíðinda nú þegar öll atkvæði hafa verið talin í borginni; Sjálfstæðisflokkurinn vann mikinn kosningasigur og er stærsti flokkurinn, Samfylkingin missir 6% fylgi frá síðustu borgarstjórnarkosningum, Viðreisn hefur tryggt sér lykilstöðu, Vinstri græn biðu afhroð og Sósíalistaflokkur Íslands náði feikilega góðum árangri í fyrstu kosningum hins nýstofnaða flokks.Sjálfstæðisflokkurinn stærstur Sjálfstæðisflokkurinn vann mikinn kosningasigur og er stærsti flokkurinn í borginni með 30,8% atkvæða og átta borgarfulltrúa. Sjálfstæðisflokkurinn hefur bætt sig um 5,1% frá því í síðustu borgarstjórnarkosningum árið 2014 en þá endaði flokkurinn með 25,7% atkvæða. Hann bætir því við sig fjórum borgarfulltrúum. Eyþór Laxdal Arnalds, Hildur Björnsdóttir, Valgerður Sigurðardóttir, Egill Þór Jónsson, Marta Guðjónsdóttir, Katrín Atladóttir, Örn Þórðarson og Björn Gíslason eru þeir frambjóðendur Sjálfstæðisflokksins sem komust inn í borgarstjórn. Talsverð endurnýjun er á lista Sjálfstæðisflokksins.Eyþór Arnalds, oddviti Sjálfstæðisflokksins, og Hildur Björnsdóttir sem skipar 2. sætið á lista flokksins fallast hér í faðma á kosningavökunni á Grand Hotel í kvöld.vísir/vilhelmSamfylkingin með 7 fulltrúa Samfylkingin, sem framan af mældist stærsti flokkurinn í skoðanakönnunum, er næststærsti flokkurinn í borgarstjórn en tapar miklu frá því sem var. Samfylkingin fékk 25,9% atkvæða og 7 borgarfulltrúa. Árið 2014 var flokkurinn með 31,9% atkvæða, því er ljóst að hann hefur misst heil 6% frá síðustu sveitarstjórnarkosningum. Dagur B. Eggertsson, núverandi borgarstjóri, Heiða Björg Hilmisdóttir, Skúli Helgason, Kristín Soffía Jónsdóttir, Hjálmar Sveinsson, Sabine Leskopf og Guðrún Ögmundsdóttir eru þeir frambjóðendur Samfylkingarinnar sem komumst inn í borgarstjórn.Viðreisn í lykilstöðu til að mynda meirihluta Viðreisn er stærst nýju flokkanna sem buðu fram til borgarstjórnarkosninganna og er jafnframt þriðji stærsti flokkurinn. Viðreisn fékk 8,2% atkvæða og tvo borgarfulltrúa, Þórdísi Lóu Þórhallsdóttur og Pawel Bartoszek. Flokkurinn er í lykilstöðu að aflokunum kosningum því hann getur myndað meirihluta bæði til hægri og vinstri.Píratar bæta við sig Píratar sækja í sig veðrið eru með 7,7% atkvæða og 2 borgarfulltrúa, eins og Viðreisn, þegar atkvæði hafa verið talin. Í borgarstjórnarkosningunum 2014 endaði flokkurinn með 5,9% atkvæði og bætir sig því um 1,8%. Dóra Björt Guðjónsdóttir og Sigurborg Ósk Haraldsdóttir eru þeir borgarfulltrúar Pírata sem komust inn í borgarstjórn.Sanna Magdalena Mörtudóttir, oddviti Sósíalistaflokksins í Reykjavík, hefur tryggt sér sæti í borgarstjórn.Vísir/VilhelmSósíalistar vinna stórt Sósíalistaflokkur sem bauð í fyrsta skiptið fram í kosningum hlaut 6,4% atkvæða sem má teljast kosningasigur hjá svona ungum flokki. Sósíalistaflokkurinn, með Sönnu Magdalenu Mörtudóttur í broddi fylkingar, hefur tryggt sér sæti í borgarstjórn þegar lokatölur liggja fyrir.Miðflokkur er inni en Framsókn úti Miðflokkurinn virðist hafa tekið svakalega mikið fylgi af Framsóknarflokknum sem fékk ekki einn einasta borgarfulltrúa. Miðflokkurinn með Vigdísi Hauksdóttur í broddi fylkingar, endaði með 6,1% atkvæða í þessum fyrstu borgarstjórnarkosningum sem flokkurinn býður fram í og nær einum manni inn.Líf Magneudóttir er fulltrúi Vinstri hreyfingarinnar - græns framboðs í borgarstjórn Reykjavíkur.Vísir/Vilhelm GunnarssonSlæm úrslit fyrir VGVinstri hreyfingin – grænt framboð beið afhroð í borgarstjórnarkosningunum og endaði með verstu niðurstöðu sem VG hefur fengið í borginni en flokkurinn hefur boðið fjórum sinnum fram til borgarstjórnar. VG endaði með 4,6% atkvæða og oddviti flokksins, Líf Magneudóttir, kemst ein frambjóðenda inn í borgarstjórn. Í síðustu kosningum fékk flokkurinn 8,3% atkvæða og tapar því 3,7 prósentustigum.Flokkur fólksins með fulltrúa í borgarstjórn Flokkur fólksins, sem býður fram í fyrsta sinn til borgarstjórnarkosninga, náði feikilega góðum árangri með 4,3% atkvæða og nær því einum borgarfulltrúa inn. Kolbrún Baldursdóttir, oddviti flokksins, er sá fulltrúi Flokks fólksins í borgstjórn.Náðu ekki inn Aðrir flokkar náðu ekki inn í borgarstjórn og er Framsóknarflokkurinn á meðal þeirra með 3,2% atkvæða og tapar 7,5 prósentustigum frá því í síðustu borgarstjórnarkosningum. Kvennahreyfingin var næststærst af þeim flokkum sem ekki náðu borgarfulltrúa og endaði með 0,9% atkvæða. Höfuðborgarlistinn fékk 0,6%, Borgin okkar – Reykjavík fékk 0,4%, Alþýðufylkingin fékk 0,3%, Karlalistinn fékk 0,3% og Frelsisflokkur og Íslenska þjóðfylkingin voru minnst með 0,2% atkvæða hvor um sig. Kosningar 2018 Mest lesið Setti byssukúlu í póstkassa: „Næsta kemur ekki í umslagi“ Innlent Stefnir Hödd vegna ásökunar um nauðgun Innlent Stytta þurfi sumarfrí barna um að lágmarki tvær vikur Innlent Lögreglan vill ná tali af þremur mönnum Innlent Vinstribeygja inn á Bústaðaveg gæti heyrt sögunni til Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Rektor rýfur þögnina eftir mótmælin á Þjóðminjasafninu Innlent Fleiri fréttir Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Sjá meira
Lokatölur úr borgarstjórnarkosningum, sem voru kynntar á sjöunda tímanum, sýna svo ekki sé um villst að meirihluti Samfylkingar, Vinstri grænna, Pírata og Bjartrar framtíðar er fallinn. Það dregur heldur betur til tíðinda nú þegar öll atkvæði hafa verið talin í borginni; Sjálfstæðisflokkurinn vann mikinn kosningasigur og er stærsti flokkurinn, Samfylkingin missir 6% fylgi frá síðustu borgarstjórnarkosningum, Viðreisn hefur tryggt sér lykilstöðu, Vinstri græn biðu afhroð og Sósíalistaflokkur Íslands náði feikilega góðum árangri í fyrstu kosningum hins nýstofnaða flokks.Sjálfstæðisflokkurinn stærstur Sjálfstæðisflokkurinn vann mikinn kosningasigur og er stærsti flokkurinn í borginni með 30,8% atkvæða og átta borgarfulltrúa. Sjálfstæðisflokkurinn hefur bætt sig um 5,1% frá því í síðustu borgarstjórnarkosningum árið 2014 en þá endaði flokkurinn með 25,7% atkvæða. Hann bætir því við sig fjórum borgarfulltrúum. Eyþór Laxdal Arnalds, Hildur Björnsdóttir, Valgerður Sigurðardóttir, Egill Þór Jónsson, Marta Guðjónsdóttir, Katrín Atladóttir, Örn Þórðarson og Björn Gíslason eru þeir frambjóðendur Sjálfstæðisflokksins sem komust inn í borgarstjórn. Talsverð endurnýjun er á lista Sjálfstæðisflokksins.Eyþór Arnalds, oddviti Sjálfstæðisflokksins, og Hildur Björnsdóttir sem skipar 2. sætið á lista flokksins fallast hér í faðma á kosningavökunni á Grand Hotel í kvöld.vísir/vilhelmSamfylkingin með 7 fulltrúa Samfylkingin, sem framan af mældist stærsti flokkurinn í skoðanakönnunum, er næststærsti flokkurinn í borgarstjórn en tapar miklu frá því sem var. Samfylkingin fékk 25,9% atkvæða og 7 borgarfulltrúa. Árið 2014 var flokkurinn með 31,9% atkvæða, því er ljóst að hann hefur misst heil 6% frá síðustu sveitarstjórnarkosningum. Dagur B. Eggertsson, núverandi borgarstjóri, Heiða Björg Hilmisdóttir, Skúli Helgason, Kristín Soffía Jónsdóttir, Hjálmar Sveinsson, Sabine Leskopf og Guðrún Ögmundsdóttir eru þeir frambjóðendur Samfylkingarinnar sem komumst inn í borgarstjórn.Viðreisn í lykilstöðu til að mynda meirihluta Viðreisn er stærst nýju flokkanna sem buðu fram til borgarstjórnarkosninganna og er jafnframt þriðji stærsti flokkurinn. Viðreisn fékk 8,2% atkvæða og tvo borgarfulltrúa, Þórdísi Lóu Þórhallsdóttur og Pawel Bartoszek. Flokkurinn er í lykilstöðu að aflokunum kosningum því hann getur myndað meirihluta bæði til hægri og vinstri.Píratar bæta við sig Píratar sækja í sig veðrið eru með 7,7% atkvæða og 2 borgarfulltrúa, eins og Viðreisn, þegar atkvæði hafa verið talin. Í borgarstjórnarkosningunum 2014 endaði flokkurinn með 5,9% atkvæði og bætir sig því um 1,8%. Dóra Björt Guðjónsdóttir og Sigurborg Ósk Haraldsdóttir eru þeir borgarfulltrúar Pírata sem komust inn í borgarstjórn.Sanna Magdalena Mörtudóttir, oddviti Sósíalistaflokksins í Reykjavík, hefur tryggt sér sæti í borgarstjórn.Vísir/VilhelmSósíalistar vinna stórt Sósíalistaflokkur sem bauð í fyrsta skiptið fram í kosningum hlaut 6,4% atkvæða sem má teljast kosningasigur hjá svona ungum flokki. Sósíalistaflokkurinn, með Sönnu Magdalenu Mörtudóttur í broddi fylkingar, hefur tryggt sér sæti í borgarstjórn þegar lokatölur liggja fyrir.Miðflokkur er inni en Framsókn úti Miðflokkurinn virðist hafa tekið svakalega mikið fylgi af Framsóknarflokknum sem fékk ekki einn einasta borgarfulltrúa. Miðflokkurinn með Vigdísi Hauksdóttur í broddi fylkingar, endaði með 6,1% atkvæða í þessum fyrstu borgarstjórnarkosningum sem flokkurinn býður fram í og nær einum manni inn.Líf Magneudóttir er fulltrúi Vinstri hreyfingarinnar - græns framboðs í borgarstjórn Reykjavíkur.Vísir/Vilhelm GunnarssonSlæm úrslit fyrir VGVinstri hreyfingin – grænt framboð beið afhroð í borgarstjórnarkosningunum og endaði með verstu niðurstöðu sem VG hefur fengið í borginni en flokkurinn hefur boðið fjórum sinnum fram til borgarstjórnar. VG endaði með 4,6% atkvæða og oddviti flokksins, Líf Magneudóttir, kemst ein frambjóðenda inn í borgarstjórn. Í síðustu kosningum fékk flokkurinn 8,3% atkvæða og tapar því 3,7 prósentustigum.Flokkur fólksins með fulltrúa í borgarstjórn Flokkur fólksins, sem býður fram í fyrsta sinn til borgarstjórnarkosninga, náði feikilega góðum árangri með 4,3% atkvæða og nær því einum borgarfulltrúa inn. Kolbrún Baldursdóttir, oddviti flokksins, er sá fulltrúi Flokks fólksins í borgstjórn.Náðu ekki inn Aðrir flokkar náðu ekki inn í borgarstjórn og er Framsóknarflokkurinn á meðal þeirra með 3,2% atkvæða og tapar 7,5 prósentustigum frá því í síðustu borgarstjórnarkosningum. Kvennahreyfingin var næststærst af þeim flokkum sem ekki náðu borgarfulltrúa og endaði með 0,9% atkvæða. Höfuðborgarlistinn fékk 0,6%, Borgin okkar – Reykjavík fékk 0,4%, Alþýðufylkingin fékk 0,3%, Karlalistinn fékk 0,3% og Frelsisflokkur og Íslenska þjóðfylkingin voru minnst með 0,2% atkvæða hvor um sig.
Kosningar 2018 Mest lesið Setti byssukúlu í póstkassa: „Næsta kemur ekki í umslagi“ Innlent Stefnir Hödd vegna ásökunar um nauðgun Innlent Stytta þurfi sumarfrí barna um að lágmarki tvær vikur Innlent Lögreglan vill ná tali af þremur mönnum Innlent Vinstribeygja inn á Bústaðaveg gæti heyrt sögunni til Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Rektor rýfur þögnina eftir mótmælin á Þjóðminjasafninu Innlent Fleiri fréttir Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Sjá meira