Körfubolti

Hester ekki með Tindastóli

Eiríkur Stefán Ásgeirsson skrifar
Antonio Hester og Kendall Pollard
Antonio Hester og Kendall Pollard Vísir/bára
Antonio Hester er ekki í leikmannahópi Tindastóls sem mætir KR í DHL-höllinni í öðrum leik liðanna í lokaúrslitum Domino's-deildar karla í kvöld.

Hester, sem er bandarískur miðherji og lykilmaður hjá Tindastóli, hefur meiðst á báðum ökklum í síðustu tveimur leikjum Tindastóls. Hann harkaði af sér eftir fyrri meiðslin og spilaði í tapleiknum á Sauðárkróki á föstudag en sneri sig þá á hinum ökklanum. Hann kláraði engu að síður leikinn.

Eftir leik sagði Israel Martin, þjálfari Tindastóls, að það hefði verið ljóst að Hester hefði ekki verið tilbúinn að spila leikinn.

Tindastóll náði sér engan veginn á strik í leiknum á föstudag og vann KR sannfærandi sigur, 75-54. KR-ingar geta því komist í 2-0 forystu í einvíginu á heimavelli.

Chris Davenport mun því fá stærra hlutverk hjá Tindastóli en í síðustu leikjum. Leikurinn, sem hefst klukkan 19.15, er í beinni útsendingu á Stöð 2 Sport en beina textalýsingu má lesa í fréttinni hér fyrir neðan.


Tengdar fréttir

Hester var „augljóslega ekki tilbúinn að spila“

Tindastóll tapaði stórt fyrir KR í fyrsta leik í einvíginu um Íslandsmeistaratitilinn í körfubolta á Sauðárkróki í kvöld. Antonio Hester, einn besti leikmaður Stólanna, meiddist í leiknum í kvöld.




Fleiri fréttir

Sjá meira


×