Milljarðs greiðsla Aurláka til Milestone staðfest

Kolbeinn Tumi Daðason skrifar 1. febrúar 2018 15:51

Karl Wernersson er eigandi Aurláka en áður Milestone. vísir/gva

Hæstiréttur hefur staðfest dóm Héraðsdóms Reykjavíkur frá því í september 2016 þess efnis að Aurláka ehf. þurfi að greiða þrotabúi Milestone tæpan milljarð króna. Aurláki er félag í eigu Karls Wernerssonar en Milestone var á sínum tíma í eigu hans og bróður hans Steingríms Wernerssonar.

Málið snýst um sölu á fyrirtækinu Lyf og heilsa út úr Milestone árið 2008 til Aurláka. Milestone var gjaldþrota ári síðar en þrotabúið taldi að ekki hefði fengist full greiðsla fyrir Lyfjum og heilsu og stefndi því Aurláka vegna kaupanna. Upphæðin nam 970 milljónum króna.

Upphaflega var dæmt í málinu í héraði í apríl 2015 og var þá, líkt og nú, fallist á kröfu þrotabúsins. Dómnum var hins vegar áfrýjað til Hæstaréttar sem sendi málið heim í hérað á ný.

Karl Wernersson er aðaleigandi Lyfja og heilsu í gegnum Aurláka. Hann fékk þriggja og hálfs árs fangelsisdóm í Hæstarétti í apríl 2016 fyrir umboðssvik og bókhaldsbrot.

Dómsmál Milestone-málið

Tengdar fréttir

Sölu Lyfja og heilsu til Wernersbræðra líklega rift

Flest bendir til að skiptastjóri Milestone muni rifta sölunni á Lyf og heilsu til félags í eigu Wernersbræðra. Ekkert fé kom inn í Milestone vegna sölunnar.

8. mars 2010 18:30

Ekki króna skipti um hendur við sölu Lyfja og heilsu

Fyrirtökur voru í alls níu málum í dag sem þrotabú Milestone hefur höfðað gegn Karli Wernerssyni og tengdum aðilum til að fá rift umdeildum viðskiptafléttum áður en félagið fór í þrot. Karl og Steingrímur Wernerssynir greiddu fyrir Lyf og heilsu með verðlausum kröfum að mati skiptastjóra Milestone.

20. desember 2011 19:00

Aurláki þarf að greiða þrotabúi Milestone 970 milljónir króna vegna Lyf og heilsu

Dómur kveðinn upp í Héraðsdómi Reykjavíkur.

20. apríl 2015 11:44

Aurláki þarf að greiða Milestone tæpan milljarð

Héraðsdómur Reykjavíkur hefur dæmt Aurláka ehf. til þess að greiða þrotabúi Milestone tæpan milljarð króna. Aurláki er félag í eigu Karls Wernerssonar en Milestone var á sínum tíma í eigu hans og bróður hans Steingríms Wernerssonar.

6. september 2016 11:46

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir