Kalt úti – Heitt inni hjá Lexus

Þó úti sé kalt, verður hlýtt og notalegt hjá Lexus í Kauptúni, laugardaginn 10. febrúar. Þá verður vetrarsýning Lexus þar sem sjá má Lexus línuna, fólksbíla, sportbíla og sportjeppana NX og RX. Opið er hjá Lexus frá kl. 12 til 16 og boðið verður upp á ljúfar veitingar.

Í reynsluakstri Lexus NX á vegum Fréttablaðsins voru þessi orð höfð um bílinn. Djörf og afgerandi hönnun bílsins hefur vakið verðskuldaða athygli enda gefa skarpar og ákveðnar línur bílnum svip sem eftir er tekið. NX er búinn 2.5 l bensínvél auk Hybridkerfis og verður fáanlegur í fjórum útfærslum, Comfort, Business, F-Sport og Luxury. Lexus NX er hlaðinn þeim þægindum sem eru aðalsmerki Lexus og hönnun bílsins er sérstaklega eftirtektarverð.

Bíllinn lítur jafn vel að innan sem utan og er hlaðinn tækninýjungum, m.a. myndavélum sem sýnir allt umhverfi bílsins. Reyndist með þeim búnaði hægðarleikur að bakka milli keila sem vart var lengra á milli en breidd bílsins. Afl bílsins er með ágætum og þótt reynt væri að láta bílinn eyða miklu eldsneyti með frísklegum akstri fór eyðsla hans aldrei nema rétt upp fyrir 6 lítra á hverja hundrað kílómetra. Var það einn af mörgum kostum bílsins.