Vara við sjóböðum og fjöruferðum vegna hreinsun þrýstilagna

Þrýstilagnir frá dælustöðvunum við Hafnarbraut og Sæbólsbraut verða hreinsaðar frá morgundeginum 23. nóvember til og með mánudeginum 26. nóvember. Þetta kemur fram í tilkynningu frá Kópavogsbæ.

Ekki er gert ráð fyrir að dælustöðvarnar fari á yfirfall við þessar framkvæmdir en einhverjar líkur eru á að það geti gerst.

Ef ske kynni að nauðsynlegt reynist að setja dælustöðvar á yfirfall er ekki talið ráðlegt að stunda sjóböð eða fjöruferðir í Fossvogi á meðan á þessum framkvæmdum stendur.