Fannar Ingi með eins höggs forystu fyrir lokahringinn

Fannar Ingi Steingrímsson úr GHG lék frábært golf á öðrum keppnisdegi af alls þremur á Egils Gullmótinu á Eimskipsmótaröðinni í dag.

Fannar Ingi, sem er aðeins 19 ára gamall, lék á fimm höggum undir pari í dag eða 67 höggum og er samtals á fjórum höggum undir pari fyrir lokahringinn.

Ragnar Már Garðarsson úr GKG lék einnig vel en hann er einu höggi á eftir Fannari líkt og þeir Ingvar Andri Magnússon úr GR og Hlynur Bergsson úr GKG. Efstu kylfingar mótsins eru allir undir tvítugu.

Staða efstu manna:

1. Fannar Ingi Steingrímsson, GHG (73-67) 140 (-4)

2.-4. Ragnar Már Garðarsson, GKG (73-68) 141 (-3)

2.-4. Ingvar Andri Magnússon, GR (71-70) 141 (-3)

2.-4. Hlynur Bergsson, GKG (69-72) 141 (-3)    

Mótið er þriðja mót keppnistímabilsins 2016-17 en alls eru átta mót á tímabilinu á Eimskipsmótaröðinni.