Lamborghini Urus verður 650 hestöfl Finnur Thorlacius skrifar 16. maí 2017 11:39 Lamborghini Urus jeppinn. Fyrsti jeppi ítalska sportbílaframleiðandans Lamborghini, Urus, mun koma á markað á öðrum ársfjórðungi næsta árs, þ.e. eftir um ár. Hann verður með 4,0 lítra V8 vél með tveimur forþjöppum og forstjóri Lamborghini, Stefano Domenicali, hefur ljóstrað því upp að hann skili 650 grjóthörðum hestöflum til allra hjólanna. Meiningin er svo að koma fram með tengiltvinnútfærslu bílsins á öðrum ársfjórðungi ársins 2019. Lamborghini stefnir að því að framleiða 1.000 eintök af Urus á næsta ári en 3.500 eintök árið 2019. Það myndi þýða um helmings aukningu á framleiðslu Lamborghini fyrirtækisins. Lamborghini Urus mun kosta skildinginn, eða um 200.000 dollara, þ.e. rétt yfir 20 milljónir króna. Lamborghini hóf smíði fyrstu Urus bílanna í apríl nýliðnum og er nú að prófa hina endanlegu útfærslu bílsins. Hjá Lamborghini er ekki meiningin með smíði Urus að framleiða sneggsta jeppann sem fer hringinn á Nürburgring brautinni, heldur að smíða þægilegan fjölskyldujeppa sem þó er með krafta í kögglum. Urus verður ekki öflugasti jeppi í heimi þegar hann kemur á markað og nú þegar býðst t.d. Jeep Grand Cherokee Trackhawk með 707 hestafla Hellcat vél. Hann er aðeins 3,5 sekúndur í hundraðið og fer kvartmíluna á aðeins 11,6 sekúndum. Porsche mun að auki setja brátt á markað Cayenne jeppa sinn með 4,0 lítra V8 vél auk rafmótora sem samtals skilar 671 hestafli. Með þeirri drifrás má reyndar núna fá stóra Porsche Panamera fólksbílinn. Mest lesið Þurftu að farga 30 þúsund eintökum vegna forsetaframboðs Innlent Sáu ekki andlit huldumanns sem þeir telja vera Pétur Jökul Innlent Megrunarlyfin nýjasta vopnið gegn hjartasjúkdómum? Erlent Forsetavaktin 2024: Hver verður sjöundi forseti lýðveldisins? Innlent Umgengni og viðhorf til fatagáma hafi farið hríðversnandi Innlent Losnar af réttargeðdeild eftir allt saman Erlent Fjórum nígerískum ríkisborgurum flogið til Frankfurt Innlent Nær einróma ánægja en spurningum ósvarað um þjóðleikhússtjóra Innlent Bendlaði Trump beint við þagnargreiðslurnar Erlent Vænsti maður og harðduglegur Innlent Fleiri fréttir Flottustu Mustang bílarnir landsins til sýnis í dag Fær einn af sextíu forsetaframbjóðendum upp í bíl til sín Sjá meira
Fyrsti jeppi ítalska sportbílaframleiðandans Lamborghini, Urus, mun koma á markað á öðrum ársfjórðungi næsta árs, þ.e. eftir um ár. Hann verður með 4,0 lítra V8 vél með tveimur forþjöppum og forstjóri Lamborghini, Stefano Domenicali, hefur ljóstrað því upp að hann skili 650 grjóthörðum hestöflum til allra hjólanna. Meiningin er svo að koma fram með tengiltvinnútfærslu bílsins á öðrum ársfjórðungi ársins 2019. Lamborghini stefnir að því að framleiða 1.000 eintök af Urus á næsta ári en 3.500 eintök árið 2019. Það myndi þýða um helmings aukningu á framleiðslu Lamborghini fyrirtækisins. Lamborghini Urus mun kosta skildinginn, eða um 200.000 dollara, þ.e. rétt yfir 20 milljónir króna. Lamborghini hóf smíði fyrstu Urus bílanna í apríl nýliðnum og er nú að prófa hina endanlegu útfærslu bílsins. Hjá Lamborghini er ekki meiningin með smíði Urus að framleiða sneggsta jeppann sem fer hringinn á Nürburgring brautinni, heldur að smíða þægilegan fjölskyldujeppa sem þó er með krafta í kögglum. Urus verður ekki öflugasti jeppi í heimi þegar hann kemur á markað og nú þegar býðst t.d. Jeep Grand Cherokee Trackhawk með 707 hestafla Hellcat vél. Hann er aðeins 3,5 sekúndur í hundraðið og fer kvartmíluna á aðeins 11,6 sekúndum. Porsche mun að auki setja brátt á markað Cayenne jeppa sinn með 4,0 lítra V8 vél auk rafmótora sem samtals skilar 671 hestafli. Með þeirri drifrás má reyndar núna fá stóra Porsche Panamera fólksbílinn.
Mest lesið Þurftu að farga 30 þúsund eintökum vegna forsetaframboðs Innlent Sáu ekki andlit huldumanns sem þeir telja vera Pétur Jökul Innlent Megrunarlyfin nýjasta vopnið gegn hjartasjúkdómum? Erlent Forsetavaktin 2024: Hver verður sjöundi forseti lýðveldisins? Innlent Umgengni og viðhorf til fatagáma hafi farið hríðversnandi Innlent Losnar af réttargeðdeild eftir allt saman Erlent Fjórum nígerískum ríkisborgurum flogið til Frankfurt Innlent Nær einróma ánægja en spurningum ósvarað um þjóðleikhússtjóra Innlent Bendlaði Trump beint við þagnargreiðslurnar Erlent Vænsti maður og harðduglegur Innlent Fleiri fréttir Flottustu Mustang bílarnir landsins til sýnis í dag Fær einn af sextíu forsetaframbjóðendum upp í bíl til sín Sjá meira