Volvo segir núverandi dísilvélar líklega þær síðustu Finnur Thorlacius skrifar 17. maí 2017 14:21 Hakan Samuelsson forstjóri Volvo. Forstjóri Volvo, Hakan Samuelsson, lét hafa eftir sér í vikunni að þær dísilvélar sem finna má í núverandi bílum Volvo séu líklega þær síðustu sem Volvo fyrirtækið framleiðir. Ástæða þess er sú að Volvo vill minnka þá nituroxóið mengun sem af dísilvélum stafar. Líklega blandast ákvörðunin einnig því að víða í borgum heims og í sumum löndum í heild verða dísilbílar brátt bannaðir. Það þýðir að Volvo mun ekki eyða meira í þróunarkostnað vegna dísilvéla en þá líklega þess meira í þróun bensínvéla og rafmagnsdrifrása. Volvo hefur nýlega sett á markað tiltölulega nýhannaðar dísil- og bensínvélar í bílum sínum og víst er að um sinn verður framleiðslu þessara nýju dísilvéla haldið áfram, en þegar þær renna sitt skeið verða þær leistar af hólmi með bensínvélum og rafmagnsdrifrásum. Líklega verður framleiðslu á dísilvélum hætt árið 2023 hjá Volvo, en víða verða bílar með dísilvélum bannaðir árið 2025. Samuelsson hefur trú á því að nýjar reglugerðir með tilheyrandi hærri skattlagningu á dísilbílum muni gera þá ósamkeppnishæfa og að víst sé að tengiltvinnbílar og rafmagnsbílar muni að mestu leysa þá af hólmi, enda gætu þeir brátt verið orðnir ódýrari og í leiðinni svo til mengunarfríir. Volvo ætlar að setja á markað sinn fyrsta bíl sem eingöngu gengur fyrir rafmagni árið 2019. Enn eru dísilbílar nálægt því að seljast til jafns við bensínbíla í Evrópu og þar seljast dísilbílar í hæsta hlutfalli í heiminum. Volvo selur 90% af XC90 jeppa sínum með dísilvélum. Það mun brátt breytast. Mest lesið Þingmaður úðaði eyrnameðali fyrir hunda í kokið á sér Innlent Sérsveit handtók vopnaðan mann Innlent Kveður Glerártorg eftir sautján ár Innlent Tóku á móti tveimur börnum á innan við klukkustund Innlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Umfangsmestu loftárásir frá upphafi stríðs Erlent „Hafa ekki lyft litla fingri í máli Oscars“ Innlent Rigning í kortunum Veður Níu af tíu börnum tveggja lækna létust í árásum Ísraela Erlent
Forstjóri Volvo, Hakan Samuelsson, lét hafa eftir sér í vikunni að þær dísilvélar sem finna má í núverandi bílum Volvo séu líklega þær síðustu sem Volvo fyrirtækið framleiðir. Ástæða þess er sú að Volvo vill minnka þá nituroxóið mengun sem af dísilvélum stafar. Líklega blandast ákvörðunin einnig því að víða í borgum heims og í sumum löndum í heild verða dísilbílar brátt bannaðir. Það þýðir að Volvo mun ekki eyða meira í þróunarkostnað vegna dísilvéla en þá líklega þess meira í þróun bensínvéla og rafmagnsdrifrása. Volvo hefur nýlega sett á markað tiltölulega nýhannaðar dísil- og bensínvélar í bílum sínum og víst er að um sinn verður framleiðslu þessara nýju dísilvéla haldið áfram, en þegar þær renna sitt skeið verða þær leistar af hólmi með bensínvélum og rafmagnsdrifrásum. Líklega verður framleiðslu á dísilvélum hætt árið 2023 hjá Volvo, en víða verða bílar með dísilvélum bannaðir árið 2025. Samuelsson hefur trú á því að nýjar reglugerðir með tilheyrandi hærri skattlagningu á dísilbílum muni gera þá ósamkeppnishæfa og að víst sé að tengiltvinnbílar og rafmagnsbílar muni að mestu leysa þá af hólmi, enda gætu þeir brátt verið orðnir ódýrari og í leiðinni svo til mengunarfríir. Volvo ætlar að setja á markað sinn fyrsta bíl sem eingöngu gengur fyrir rafmagni árið 2019. Enn eru dísilbílar nálægt því að seljast til jafns við bensínbíla í Evrópu og þar seljast dísilbílar í hæsta hlutfalli í heiminum. Volvo selur 90% af XC90 jeppa sínum með dísilvélum. Það mun brátt breytast.
Mest lesið Þingmaður úðaði eyrnameðali fyrir hunda í kokið á sér Innlent Sérsveit handtók vopnaðan mann Innlent Kveður Glerártorg eftir sautján ár Innlent Tóku á móti tveimur börnum á innan við klukkustund Innlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Umfangsmestu loftárásir frá upphafi stríðs Erlent „Hafa ekki lyft litla fingri í máli Oscars“ Innlent Rigning í kortunum Veður Níu af tíu börnum tveggja lækna létust í árásum Ísraela Erlent