Þrjár góðar peysur í kuldanum

Við getum alltaf fundið not fyrir góða peysu, hvað þá nú í kuldanum. Glamour er í stanslausri leit af hinni fullkomnu prjónapeysu, og það er um nóg að velja því verslanir landsins eru fullar af girnilegum peysum.

Polo Ralph Lauren peysan er ótrúlega falleg, og mun hún nýtast vel upp í sófa á kvöldin eða við gallabuxur og há stígvél. Litirnir eru mjög fallegir í henni, og hún er svo þykk að hún jafnast á við hlýjan jakka.

Rúllukraginn á Zöru peysunni er mjög hlýlegur, á þessum köldustu dögum.

By Malene Birger peysan er mjög sniðug, og er jafn flott að vera í blúnduhlýrabol undir hana eða skyrtu. Þessi peysa verður besta vinkona okkar í vetur.