133 leikja sigurganga Barcelona endaði í kvöld | Aron náði ekki að skora

Íslenskir handboltamenn voru á ferðinni í evrópska handboltanum í kvöld eins og oft áður á miðvikudagskvöldum.

Aron Pálmarsson og félagar í Barcelona náðu aðeins jafntefli á móti Guadalajara, 26-26, en Barcelona var fyrir leikinn búið að vinna 133 deildarleiki í röð.

Aron klikkaði á báðum skotum sínum í leiknum en Valero Rivera var markahæstur með sjö mörk. Aron reyndi lokaskot Barcelona en það fór í vörnina.

#HandbolLive

J13 #LigaAsobal

@bmguadalajara 26-26 @FCBhandbol

Final / Full time

Pabellón David Santamaría

#ForçaBarçapic.twitter.com/9jXGlqtkfm

— FCB Handbol (@FCBhandbol) December 6, 2017

Geir Guðmundsson og félagar í Cesson-Rennes unnu 32-31 útisigur á Aix. Geir skaut tvisvar í leiknum en náði ekki að skora.

Gunnar Steinn Jónsson var ekki valinn í 28 manna hóp Geir Sveinssonar fyrir Evrópumótið í Króatíu en fór fyrir sínu liði í sigri í sænsku úrvalsdeildinni í handbolta í kvöld.

10:e raka segern i Handbollsligan efter vinst med 30-22 mot OV Helsingborg. Stort tack till alla er supportrar som var på plats i Helsingborg och stöttade killarna #jagärorangepic.twitter.com/ylzo89DbEk

— IFK Kristianstad (@IFKKristianstad) December 6, 2017

Gunnar Steinn var með fimm mörk og þrjár stoðsendingar í 30-22 útisigri IFK Kristianstad á Helsingborg. Arnar Freyr Arnarsson nýtti eina skotið sitt í leiknum en Ólafur Guðmundsson lék ekki með í kvöld.  

IFK Kristianstad er með átta stiga forystu á toppi deildarinnar en hefur leikið tveimur leikjum meira en Alingsås HK. Þetta var tíundi deildarsigur Kristianstad í röð.