Nýtt politburo bendir til langrar valdatíðar Þórgnýr Einar Albertsson skrifar 26. október 2017 06:00 Xi Jinping er afar vinsæll á meðal flokksmanna og líklegt þykir að hann haldi völdum lengi. Nordicphotos/AFP Endurskipun forsætisnefndar kínverska Kommúnistaflokksins, sem kynnt var í gær, þykir bera þess merki að Xi Jinping, leiðtogi flokksins og forseti Kína, verði við völd í Asíuríkinu lengur en þau tíu ár sem undanfarnir leiðtogar hafa ríkt. Xi hefur nú þegar tryggt sér forsetastólinn þar til árið 2022 og siglir nú inn í kjörtímabil sem samkvæmt hefðinni ætti að vera hans síðasta. Meðlimir nýju forsætisnefndarinnar, en slíkar fastanefndir eru jafnan kallaðar politburo innan kommúnistaflokka, eru allir á svipuðum aldri og Xi. Sá elsti er 67 ára og sá yngsti sextugur. Sjálfur er Xi 64 ára. Þykir nokkuð hár aldur allra nefndarmanna benda til þess að Xi ætli áfram að leiða Kínverja eftir árið 2022, þegar nýhafið kjörtímabil er á enda. Talið hafði verið að Xi myndi skipa Chen Miner, formann flokksins í Chongqing, og Hu Chunhua, formann flokksins í Guangdong, í forsætisnefndina, að því er BBC greinir frá. Eru þeir báðir á sextugsaldri og segir greinandi BBC að það geri þá nógu unga til þess að vera mögulegir eftirmenn Xi. Af þessu varð hins vegar ekki. Svokölluð tíu ára regla, eða öllu heldur hefð, hefur verið við lýði í Kína frá því á tíunda áratugnum þegar Deng Xiaoping kom hefðinni á til þess að koma í veg fyrir að óreiðan sem fylgdi endalokum valdatíðar Maós Zedong myndi endurtaka sig. Hafa Jiang Zemin og Hu Jintao, síðustu tveir leiðtogar Kína, fylgt hefðinni en ýmislegt bendir til þess að Xi muni ekki endurtaka leikinn. Annað sem bendir til lengri valdatíðar Xis er sú ákvörðun landsþings Kommúnistaflokksins að setja hann á sama stall og Maó með því að rita nafn hans og hugmyndafræði í stjórnarskrá flokksins. Enginn annar leiðtogi Kína hefur notið sama heiðurs á meðan hann lifði og þykir þetta styrkja stöðu Xi til muna. Halda stjórnmálafræðingar því fram að jafnvel þótt Xi myndi stíga til hliðar eftir kjörtímabilið gæti hann stýrt ríkinu áfram ef hann vildi vegna gríðarlegra áhrifa á flokkinn. Hugmyndafræðin sem Xi fékk ritaða í stjórnarskrá flokksins gengur út á sýn hans um nýtt tímabil í sögu alþýðulýðveldisins. Áður hefur Xi skipt sögu alþýðulýðveldisins í tvö tímabil. Sameiningu undir Maó og vaxandi hagsæld undir Deng. Hið nýja tímabil, tímabil Xi, á að einkennast af styrkingu Kína á alþjóðavísu. Washington Post greinir frá því að utanríkismálastefna Kína muni einkennast af þessu næstu árin undir stjórn Xi. Lengi hafi hann lofað því að gera Kína að ofurstórveldi, álíka máttugu og Bandaríkin og Sovétríkin voru í kalda stríðinu, og að því verkefni verði lokið fyrir aldarafmæli alþýðulýðveldisins árið 2049. Kína verði þannig leiðandi afl, meðal annars á sviði alþjóðastofnana á borð við Sameinuðu þjóðirnar, og sýni öðrum ríkjum fram á nýjan valkost í formi kínversks sósíalisma. Birtist í Fréttablaðinu Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Nefndin aldrei heyrt aðrar eins frásagnir en lítið að gerast Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Reiðir yfir ummælum Macrons og halda æfingar með kjarnorkuvopn Erlent Lík þriggja brimbrettakappa fundust í brunni í Mexíkó Erlent Fleiri fréttir Hamas samþykkir vopnahléstillögu Áttatíu og tveggja ára Bernie vill sex ár í viðbót Ávítti Trump aftur og ítrekaði fangelsishótun Reiðir yfir ummælum Macrons og halda æfingar með kjarnorkuvopn Sökktu rússneskum hraðbát með sjálfsprengidróna Verður næsti formaður Skoska þjóðarflokksins Sakaði Biden um að reka lögregluríki í anda nasista Aukastörf meðfram þingmennsku skapi hættu á hagsmunaárekstrum Lík þriggja brimbrettakappa fundust í brunni í Mexíkó Xi og Macron ræða kínverska rafbíla og franskt koníak Um 100.000 sagt að rýma svæði á Rafah vegna „afmarkaðra aðgerða“ Búnaður Al Jazeera gerður upptækur og miðillinn í bann Ísrael samþykkir ekki vopnahlé Ísraelsmenn vísa fréttamönnum á dyr Íhaldsflokkurinn laut í lægra haldi í sveitarstjórnarkosningum Tuga enn saknað og 55 látnir Verður borgarstjóri Lundúna þriðja kjörtímabilið í röð Auka viðbúnað í aðdraganda Eurovision Forseti Argentínu skýtur föstum skotum á spænsku ríkisstjórnina Berlínarborg vill losna við glæsivillu Göbbels Flugvél Atlanta á tæpasta vaði í Ríad Varaforsetaefni í bobba vegna hundsdráps og meints fundar með Kim Kreml fordæmir ummæli Macrons og Camerons Reyna að sækja fyrsta sýnið frá fjærhlið tunglsins Hlustuðu á Trump og Cohen tala um þagnargreiðslu Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Sjá meira
Endurskipun forsætisnefndar kínverska Kommúnistaflokksins, sem kynnt var í gær, þykir bera þess merki að Xi Jinping, leiðtogi flokksins og forseti Kína, verði við völd í Asíuríkinu lengur en þau tíu ár sem undanfarnir leiðtogar hafa ríkt. Xi hefur nú þegar tryggt sér forsetastólinn þar til árið 2022 og siglir nú inn í kjörtímabil sem samkvæmt hefðinni ætti að vera hans síðasta. Meðlimir nýju forsætisnefndarinnar, en slíkar fastanefndir eru jafnan kallaðar politburo innan kommúnistaflokka, eru allir á svipuðum aldri og Xi. Sá elsti er 67 ára og sá yngsti sextugur. Sjálfur er Xi 64 ára. Þykir nokkuð hár aldur allra nefndarmanna benda til þess að Xi ætli áfram að leiða Kínverja eftir árið 2022, þegar nýhafið kjörtímabil er á enda. Talið hafði verið að Xi myndi skipa Chen Miner, formann flokksins í Chongqing, og Hu Chunhua, formann flokksins í Guangdong, í forsætisnefndina, að því er BBC greinir frá. Eru þeir báðir á sextugsaldri og segir greinandi BBC að það geri þá nógu unga til þess að vera mögulegir eftirmenn Xi. Af þessu varð hins vegar ekki. Svokölluð tíu ára regla, eða öllu heldur hefð, hefur verið við lýði í Kína frá því á tíunda áratugnum þegar Deng Xiaoping kom hefðinni á til þess að koma í veg fyrir að óreiðan sem fylgdi endalokum valdatíðar Maós Zedong myndi endurtaka sig. Hafa Jiang Zemin og Hu Jintao, síðustu tveir leiðtogar Kína, fylgt hefðinni en ýmislegt bendir til þess að Xi muni ekki endurtaka leikinn. Annað sem bendir til lengri valdatíðar Xis er sú ákvörðun landsþings Kommúnistaflokksins að setja hann á sama stall og Maó með því að rita nafn hans og hugmyndafræði í stjórnarskrá flokksins. Enginn annar leiðtogi Kína hefur notið sama heiðurs á meðan hann lifði og þykir þetta styrkja stöðu Xi til muna. Halda stjórnmálafræðingar því fram að jafnvel þótt Xi myndi stíga til hliðar eftir kjörtímabilið gæti hann stýrt ríkinu áfram ef hann vildi vegna gríðarlegra áhrifa á flokkinn. Hugmyndafræðin sem Xi fékk ritaða í stjórnarskrá flokksins gengur út á sýn hans um nýtt tímabil í sögu alþýðulýðveldisins. Áður hefur Xi skipt sögu alþýðulýðveldisins í tvö tímabil. Sameiningu undir Maó og vaxandi hagsæld undir Deng. Hið nýja tímabil, tímabil Xi, á að einkennast af styrkingu Kína á alþjóðavísu. Washington Post greinir frá því að utanríkismálastefna Kína muni einkennast af þessu næstu árin undir stjórn Xi. Lengi hafi hann lofað því að gera Kína að ofurstórveldi, álíka máttugu og Bandaríkin og Sovétríkin voru í kalda stríðinu, og að því verkefni verði lokið fyrir aldarafmæli alþýðulýðveldisins árið 2049. Kína verði þannig leiðandi afl, meðal annars á sviði alþjóðastofnana á borð við Sameinuðu þjóðirnar, og sýni öðrum ríkjum fram á nýjan valkost í formi kínversks sósíalisma.
Birtist í Fréttablaðinu Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Nefndin aldrei heyrt aðrar eins frásagnir en lítið að gerast Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Reiðir yfir ummælum Macrons og halda æfingar með kjarnorkuvopn Erlent Lík þriggja brimbrettakappa fundust í brunni í Mexíkó Erlent Fleiri fréttir Hamas samþykkir vopnahléstillögu Áttatíu og tveggja ára Bernie vill sex ár í viðbót Ávítti Trump aftur og ítrekaði fangelsishótun Reiðir yfir ummælum Macrons og halda æfingar með kjarnorkuvopn Sökktu rússneskum hraðbát með sjálfsprengidróna Verður næsti formaður Skoska þjóðarflokksins Sakaði Biden um að reka lögregluríki í anda nasista Aukastörf meðfram þingmennsku skapi hættu á hagsmunaárekstrum Lík þriggja brimbrettakappa fundust í brunni í Mexíkó Xi og Macron ræða kínverska rafbíla og franskt koníak Um 100.000 sagt að rýma svæði á Rafah vegna „afmarkaðra aðgerða“ Búnaður Al Jazeera gerður upptækur og miðillinn í bann Ísrael samþykkir ekki vopnahlé Ísraelsmenn vísa fréttamönnum á dyr Íhaldsflokkurinn laut í lægra haldi í sveitarstjórnarkosningum Tuga enn saknað og 55 látnir Verður borgarstjóri Lundúna þriðja kjörtímabilið í röð Auka viðbúnað í aðdraganda Eurovision Forseti Argentínu skýtur föstum skotum á spænsku ríkisstjórnina Berlínarborg vill losna við glæsivillu Göbbels Flugvél Atlanta á tæpasta vaði í Ríad Varaforsetaefni í bobba vegna hundsdráps og meints fundar með Kim Kreml fordæmir ummæli Macrons og Camerons Reyna að sækja fyrsta sýnið frá fjærhlið tunglsins Hlustuðu á Trump og Cohen tala um þagnargreiðslu Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Sjá meira