Ragnars-lausir Fulham menn slógu út Hull | Watford fallið úr leik

Ragnar Sigurðsson var ekki í leikmannahóp Fulham í sannfærandi 4-1 sigri B-deildarliðsins á Hull City Tigers í hádegisleiknum í enska bikarnum í dag.

Fulham komst yfir snemma leiks en gestirnir frá Hull voru ekki lengi að jafna metin í upphafi seinni hálfleiks. Var þar að verki Evandro á 49. mínútu leiksins.

Í seinni hálfleik mátti sjá á leikmönnum Hull að þeir voru þreyttari eftir leik gegn Manchester United á fimmtudaginn síðastliðna og bætti Fulham við þremur mörkum á 25. mínútna kafla og fögnuðu heimamenn því öruggum sigri.

Í hinum hádegisleiknum gerði C-deildarlið Milwall sér lítið fyrir og slógu út Watford á heimavelli. Eina mark leiksins skoraði Steve Morison á 85. mínútu fyrir framan stuðningsmenn Milwall sem eru með þeim blóðheitari.

Aðeins fjögur ár eru síðan Milwall komst síðast alla leið í undanúrslit en Milwall hefur verið mikið bikarlið undanfarin ár og komst meðal annars í úrslit árið 2004.