Eiga von á öðru barni

Fyrirsætan, og uppáhalds Twitternotandinn okkar, Chrissy Teigen og söngvarinn John Legend eiga von á sínu öðru barni. 

Fréttirnar fengu aðdáendur parsins beint í æð með myndbandi á Instagramsíðu Teigen  þar sem hin eins og hálfs árs gamla Luna, dóttir parsins, benti á magann á mömmu sinni og sagði "baby". Mjög krúttlegt alltsaman. Ekki fylgir sögunni hversu langt fyrirsætan er gengin. 

Teigen og Legend giftu sig á Lake Como árið 2013 og eiga, eins og fyrr segir, hina 19 mánaða gömlu Lunu sem núna er að verða stóra systir. 

it's john's!

A post shared by chrissy teigen (@chrissyteigen) on Nov 21, 2017 at 1:15pm PST